ಕೃಷ್ಣಾನದಿಯೊಂದಿಗೆ ಭೀಮಾನದಿ ಸಂಗಮವಾಗುವ ರಾಯಚೂರಿನ ಗುರ್ಜಾಪುರದಲ್ಲಿ ಎರಡು ದಿನಗಳಿಂದ ನೀರು ಇಳಿಮುಖವಾಗುತ್ತಿದೆ. ಸೊನ್ನ ಬ್ಯಾರೇಜ್ ನಿಂದ 8 ಲಕ್ಷ ಕ್ಯುಸೆಕ್ ಬಿಡುಗಡೆ ಮಾಡಲಾಗಿದೆ ಎಂದು ಜಿಲ್ಲಾಡಳಿತದಿಂದ ಕೃಷ್ಣಾ ನದಿತೀರದ ಜನರಿಗೆ ಶನಿವಾರವೇ ಮುನ್ನಚ್ಚರಿಕೆ ನೀಡಲಾಗಿತ್ತು. ಪ್ರವಾಹ ನಿರ್ವಹಣೆಗಾಗಿ ಮಿಲಿಟರಿ ತಂಡವು ಬಂದಿದೆ. ನಿರೀಕ್ಷಿಸಿದಂತೆ ಕೃಷ್ಣಾನದಿ ಪ್ರವಾಹ ಏರಿಕೆ ಆಗುತ್ತಿಲ್ಲ. ಬದಲಾಗಿ ಇಳಿಮುಖವಾಗಿದ್ದು, ಗುರ್ಜಾಪುರ ಬ್ಯಾರೇಜ್ ತೆರೆದುಕೊಂಡಿದೆ.
