‘ನಾನು ಮನೆ ಮುಂದೆ ಇರಬೇಕಾದರೆ ಇಬ್ಬರು ಬಂದು ಪೌಡರ್ ಕೊಟ್ಟು ಚಿನ್ನಕ್ಕೆ ತಿಕ್ಕಿ ಒಳಪು ಬರುತ್ತದೆ ಎಂದರು. ಪೌಡರ್ ತೆಗೆದುಕೊಂಡೆ ನಂತರ ನನಗೆ ಮಂಕು ಕವಿದಂತೆ ಆಗಿ ಚಿನ್ನದ ಸರ ಬಿಚ್ಚಿ ಕೊಟ್ಟೆ. ಅವರು ಅದನ್ನು ನೀರಿನಲ್ಲಿ ಅದ್ದಿ ಕೊಟ್ಟು ತಕ್ಷಣವೇ ಹೊರಟು ಹೋದರು. ಆದರೆ ನನಗೆ ಚಿನ್ನದ ತೂಕದಲ್ಲಿ ಅನುಮಾನ ಬಂದು ಪಕ್ಕದ ಮನೆಯವರಿಗೆ ವಿಷಯ ತಿಳಿಸಿದೆ. ಮಾಂಗಲ್ಯಸರ, ತಾಳಿ, ಗುಂಡು, ಕಾಸು ಸೇರಿ ಸುಮಾರು 50 ಗ್ರಾಂ ಚಿನ್ನವಿತ್ತು. ನಂತರ ತೂಕ ಹಾಕಿಸಿದರೆ 37 ಗ್ರಾಂ ಚಿನ್ನಕ್ಕೆ ಬಂದು ನಿಂತಿದೆ’ ಎಂದು ಸುಧಾ ಆರೋಪಿಸಿದರು.
