ಫೋನ್‌ ಕದ್ದಾಲಿಕೆ ಆರೋಪ ಸುಳ್ಳು: ಯೋಗೇಶ್ವರ್‌

ಚನ್ನಪಟ್ಟಣದಲ್ಲಿ ಸೋಮವಾರ ಪತ್ರಕರ್ತರ ಜೊತೆ ಮಾತನಾಡಿದ ಅವರು 'ಶಿವಕುಮಾರ್‍ ಈ ಹಿಂದೆ ತಾವೇ ಫೋನ್‌ ಟ್ಯಾಪಿಂಗ್‌ ಮಾಡಿಸಿ ನನ್ನ ಮೇಲೆ ಕದ್ದಾಲಿಕೆ ಆರೋಪ ಮಾಡಿದ್ದರು. ಈಗ ಜನರ ಗಮನವನ್ನು ಬೇರೆಡೆಗೆ ಸೆಳೆಯುವ ಸಲುವಾಗಿ ಸುಳ್ಳು ಆರೋಪ ಮಾಡಿದ್ದಾರೆ. ಅವರ ಫೋನ್‌ ಕದ್ದಾಲಿಕೆ ಮಾಡಿ ನಾವು ಯಾವ ರಾಜ್ಯ ಗೆಲ್ಲಬೇಕಿದೆ’ ಎಂದು ಪ್ರಶ್ನಿಸಿದರು.

'ಈ ಹಿಂದೆ ಜಿಲ್ಲೆಗೆ ನರೇಗಾ ಅನುದಾನ ಬಿಡುಗಡೆ ಆದ ಕೂಡಲೇ ಕನಕಪುರ ತಾಲ್ಲೂಕಿಗೆ ಮಾತ್ರ ಹೋಗುತಿತ್ತು. ಹೀಗಾಗಿ ಉಳಿದ ತಾಲ್ಲೂಕಿಗೆ ವ್ಯತ್ಯಾಸ ಆಗಿದೆ. ಸದ್ಯದಲ್ಲೇ ಅದನ್ನು ಸರಿಪಡಿಸಲಾಗುವುದು’ ಎಂದು ಪರೋಕ್ಷವಾಗಿ ಸಂಸದ ಡಿ.ಕೆ. ಸುರೇಶ್‌ ವಿರುದ್ಧ ವಾಗ್ದಾಳಿ ನಡೆಸಿದರು.