ಭಾನುವಾರ, ಡಿಸೆಂಬರ್ 8, 2019
21 °C

ಪೊಲೀಸರಿಗೆ ನೂತನ ವಾಹನ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

Prajavani

ರಾಮನಗರ: ಹಳೆಯ ವಾಹನಗಳ ಬದಲಿಗೆ ಪೊಲೀಸ್ ಇಲಾಖೆಗೆ ಈಗ ನೂತನ ವಾಹನಗಳು ಲಭ್ಯವಾಗಿವೆ.

ಜಿಲ್ಲಾ ಪೊಲೀಸರ ಅಸಹಾಯಕ ಸ್ಥಿತಿಯನ್ನು ಮನಗಂಡ ಸರ್ಕಾರ ಸಿಬ್ಬಂದಿಗೆ ನೂತನ ಸ್ಕಾರ್ಪಿಯೊ ಸೇರಿದಂತೆ ವಿವಿಧ ಕಂಪನಿಗಳ ವಾಹನಗಳನ್ನು ನೀಡಿದೆ. ಜಿಲ್ಲಾ ಕೇಂದ್ರಕ್ಕೆ ಎರಡು ಹಾಗೂ ಪ್ರತಿ ತಾಲ್ಲೂಕು ಕೇಂದ್ರಕ್ಕೆ ಒಂದರಂತೆ ವಾಹನಗಳನ್ನು ನೀಡಲಾಗಿದೆ.

ಕಳೆದ ವಾರದಲ್ಲಿ ಸ್ಕಾರ್ಪಿಯೋ ಕಾರ್‌ಗಳು ಬಂದಿವೆ. ಈವರೆಗೆ ಹಳೆಯ ಟಾಟಾಸುಮೊ ದಲ್ಲಿ ಓಡಾಡುತ್ತಿದ್ದ ಪೊಲೀಸರು ನೂತನ ವಾಹನದಲ್ಲಿ ರಾತ್ರಿಯ ಪಾಳಿ ಸೇರಿದಂತೆ ಇತರೆ ಕೆಲಸಗಳಿಗೆ ಕಾರುಗಳನ್ನು ಬಳಕೆ ಮಾಡಿಕೊಳ್ಳುತ್ತಿದ್ದಾರೆ. ರಾಮಗರ ಮತ್ತು ಚನ್ನಪಟ್ಟಣ ತಾಲ್ಲೂಕಿಗೆ ನೂತನ ಕಾರು ಲಭ್ಯವಾದರೆ, ಮಾಗಡಿ ತಾಲ್ಲೂಕಿಗೆ ಹಳೆಯ ಕಾರು ಲಭಿಸಿದೆ. ಇನ್ನು ಮೂರು ಕಾರುಗಳು ಜಿಲ್ಲೆಗೆ ಬರಲಿವೆ.

ಕೇಂದ್ರ ಸರ್ಕಾರದ ಯೋಜನೆಯಡಿ ಜಿಲ್ಲೆಗೆ ಬಂದ ಕಾರುಗಳು ತುರ್ತು ಸ್ಪಂದನ ಸಹಾಯಕ್ಕೆ ಲಭ್ಯವಾಗಲಿವೆ. 112 ಸಂಖ್ಯೆಯನ್ನು ಜಸ್ಟ್ ಡಯಲ್ ಮಾಡಿದರೆ, ಸಾಕು ಪೊಲೀಸರು ತಕ್ಷಣವೇ ಸ್ಪಂದಿಸಲಿದ್ದಾರೆ. ಪೊಲೀಸ್, ಅಗ್ನಿಶಾಮಕ, ಆಂಬುಲೆನ್ಸ್ ಇದರಲ್ಲಿ ಲಭ್ಯವಾಗಲಿದೆ. ನೂತನ ಕಾರುಗಳಾಗಿರುವ ಕಾರಣ, ಸಾರ್ವಜನಿಕರ ಸಮಸ್ಯೆಗಳಿಗೆ ತಕ್ಷಣವೇ ಸ್ಪಂದನೆ ಸಿಗಲಿದೆ ಎಂಬು ಮಾತು ಜನರದು.

ಪ್ರತಿಕ್ರಿಯಿಸಿ (+)