ಹುಡುಕಾಟ: ಕಣ್ಮರೆಯಾದ ಕಲ್ಯಾಣಿಗಳಿಗಾಗಿ ಹುಡುಕಾಟ ನಡೆಸಿದ ಕಥೆಯೂ ರೋಚಕವಾಗಿದೆ. ಪ್ರತಿ ಗ್ರಾಮ ಪಂಚಾಯಿತಿ ಮಟ್ಟದಲ್ಲಿ ಸ್ಥಳೀಯ ಸಿಬ್ಬಂದಿಯ ತಂಡ ರಚಿಸಿ, ಪ್ರತಿ ಹಳ್ಳಿಗಳಲ್ಲೂ ಇರುವ ಕಲ್ಯಾಣಿಗಳ ಮಾಹಿತಿ ಕಲೆ ಹಾಕಲಾಯಿತು. ಸಾಕಷ್ಟು ಕಲ್ಯಾಣಿಗಳಿಗೆ ರಸ್ತೆ ಇರಲಿ, ಕನಿಷ್ಠ ಕಚ್ಚಾ ಹಾದಿಯೂ ಇರಲಿಲ್ಲ. ಕೆಲವು ಕಡೆ ಪುರಾತನ ನಕ್ಷೆಗಳಲ್ಲಿ ಮಾತ್ರ ನಮೂದಾಗಿದ್ದವು. ಈ ಎಲ್ಲ ಅಡೆತಡೆಗಳನ್ನು ನಿವಾರಿಸಿ ಅವುಗಳಿಗೆ ಮರುಜೀವ ನೀಡುವ ಕಾರ್ಯ ಆರಂಭಗೊಂಡಿತು. ಸ್ಥಳೀಯರನ್ನೇ ಬಳಸಿಕೊಂಡು ನರೇಗಾ ಯೋಜನೆಯ ಅಡಿ ಕಾಮಗಾರಿ ಕೈಗೆತ್ತಿಕೊಳ್ಳಲಾಯಿತು.