‘ಹಳ್ಳಿ ಅಭಿವೃದ್ಧಿಯಿಂದ ಮಾತ್ರ ದಿಲ್ಲಿಗೆ ಬೆಲೆ’

ಭಾನುವಾರ, ಜೂನ್ 16, 2019
32 °C
ಕುದೂರಿನಲ್ಲಿ ಪ್ರತಿಭಾ ಪುರಸ್ಕಾರ ಸಮಾರಂಭ

‘ಹಳ್ಳಿ ಅಭಿವೃದ್ಧಿಯಿಂದ ಮಾತ್ರ ದಿಲ್ಲಿಗೆ ಬೆಲೆ’

Published:
Updated:
Prajavani

ಕುದೂರು(ಮಾಗಡಿ): ಗ್ರಾಮೀಣ ಭಾಗದಲ್ಲಿ ಅವಕಾಶ ವಂಚಿತ ಪ್ರತಿಭಾವಂತರನ್ನು ಗುರುತಿಸಿ ಪ್ರೋತ್ಸಾಹ ನೀಡಲಾಗುವುದು ಎಂದು ನೀಲಮ್ಮ ಕುದೂರು ಕೆ.ಎ.ಸತ್ಯನಾರಾಯಣ ಶೆಟ್ಟಿ ಸೇವಾ ಟ್ರಸ್ಟಿನ ಅಧ್ಯಕ್ಷ ಕೆ.ಬಿ.ವಿಜಯಗುಪ್ತ ತಿಳಿಸಿದರು.

ಸೇವಾ ಟ್ರಸ್ಟಿನ ವತಿಯಿಂದ ನಡೆದ ‘ಪ್ರತಿಭಾ ಪುರಸ್ಕಾರ’ ಸಮಾರಂಭದಲ್ಲಿ ಖಾಜಿಪಾಳ್ಯದ ಬಂಗಾರ ಪದಕ ವಿಜೇತ ತಜ್ಞ ವೈದ್ಯ ಡಾ. ಲಕ್ಷ್ಮೀಶ ಗೌಡ.ಕೆ.ಜಿ ಅವರನ್ನು ಸನ್ಮಾನಿಸಿ ಅವರು ಮಾತನಾಡಿದರು.

‘ನೀಲಮ್ಮ ಕೆ.ಎ.ಸತ್ಯನಾರಾಯಣ ಶೆಟ್ಟರು ಸರ್ಕಾರಿ ಪ್ರಥಮ ದರ್ಜೆ ಕಾಲೇಜಿಗೆ ಕಟ್ಟಡ ಕಟ್ಟಿಸಿ, ಉಚಿತವಾಗಿ ನೀಡಿದರು. ಹಳ್ಳಿಗಾಡಿನ ಮಕ್ಕಳು ವಿದ್ಯಾವಂತರಾಗಬೇಕು ಎಂದು ಪ್ರತಿವರ್ಷವೂ ಪ್ರತಿಭಾ ಪುರಸ್ಕಾರ ನೀಡಿ ರೈತರ ಮಕ್ಕಳ ಪ್ರಗತಿಗೆ ಬೆಂಬಲ ನೀಡುತ್ತಿದ್ದಾರೆ. ಸಮಾಜದ ಋಣ ತೀರಿಸಲು ನಾವೆಲ್ಲರೂ ಬಡವರ ಮಕ್ಕಳ ಶಿಕ್ಷಣಕ್ಕೆ ಪ್ರೋತ್ಸಾಹ ನೀಡಿ, ಸಂವಿಧಾನದ ಆಶಯದಂತೆ ಬಾಳು, ಬಾಳಗೊಡು ಎಂಬುದನ್ನು ಜೀವನದಲ್ಲಿ ಅಳವಡಿಸಿಕೊಂಡು ಸರ್ವರೂ ಸಹೋದರರಂತೆ ನೆಮ್ಮದಿಯಿಂದ ಬದುಕಬೇಕು’ ಎಂದರು.

ಟ್ರಸ್ಟಿನ ಕಾರ್ಯದರ್ಶಿ ಎ.ದೀಪಾ ಅರವಿಂದ ಮಾತನಾಡಿ, ಹಳ್ಳಿಗಾಡಿನ ಬಾಲಕಿಯರ ಶಿಕ್ಷಣಕ್ಕೆ ಹೆಚ್ಚಿನ ಪ್ರೋತ್ಸಾಹ ನೀಡಲಾಗುತ್ತಿದೆ ಎಂದರು.

ಡಾ.ಲಕ್ಷ್ಮೀಶ ಗೌಡ.ಕೆ.ಜಿ. ಸನ್ಮಾನಿತರಾಗಿ ಮಾತನಾಡಿ, ‘ನಾವೆಲ್ಲರೂ ಕೃಷಿಮೂಲದಿಂದ ಬಂದವರು. ನಾವೆಷ್ಟೇ ದೊಡ್ಡವರಾದರೂ ನಮ್ಮ ಮೂಲ ನೆಲೆಯನ್ನು ಮರೆಯಬಾರದು. ಹಳ್ಳಿಗಳ ಅಭಿವೃದ್ಧಿಯಾದಾಗ ಮಾತ್ರ ದಿಲ್ಲಿಗೆ ಬೆಲೆ ಬರುತ್ತದೆ. ಗ್ರಾಮೀಣ ಮಕ್ಕಳು ವಿದ್ಯೆಯನ್ನು ತಪಸ್ಸು ಎಂದು ತಿಳಿದುಕೊಂಡು ಜ್ಞಾನಸಂಪನ್ನರಾಗಬೇಕು’ ಎಂದರು.

ಆರ್ಯವೈಶ್ಯ ಮಂಡಳಿ ಅಧ್ಯಕ್ಷ ಉಮಾಪತಿ, ಗುರುಕುಲವಿದ್ಯಾಮಂದಿರದ ಮುಖ್ಯಶಿಕ್ಷಕ ಕೇಶವಮೂರ್ತಿ. ಟ್ರಸ್ಟಿನ ಖಜಾಂಚಿ ಸುಮಾವಿಜಯಗುಪ್ತ, ಪುಟ್ಟರಾಜು, ಆರ್ಯವೈಶ್ಯ ಮಂಡಳಿಯ ಪದಾಧಿಕಾರಿಗಳು ಇದ್ದರು. ಸತ್ಯನಾರಾಯಣ ಸ್ವಾಮಿ ಪೂಜೆ ಏರ್ಪಡಿಸಲಾಗಿತ್ತು.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !