ರಾಮನಗರ: ದ್ವಿಚಕ್ರ ವಾಹನಗಳ ಕಳ್ಳನೊಬ್ಬನನ್ನು ಬಂಧಿಸಿರುವ ಕಗ್ಗಲೀಪುರ ಠಾಣೆ ಪೊಲೀಸರು, ಆತನಿಂದ 2 ಬೈಕ್ ಹಾಗೂ ಒಂದು ಸ್ಕೂಟರ್ ವಶಪಡಿಸಿಕೊಂಡಿದ್ದಾರೆ. ಬೆಂಗಳೂರು ದಕ್ಷಿಣ ತಾಲ್ಲೂಕಿನ ಪಟ್ಟರೆಡ್ಡಿಪಾಳ್ಯದ ರಾಹುಲ್ (19) ಬಂಧಿತರ ಆರೋಪಿ.
ಕೂಲಿ ಕೆಲಸ ಮಾಡುವ ರಾಹುಲ್, ಅದರ ಜೊತೆಗೆ ವಾಹನಗಳ ಕಳ್ಳನತವನ್ನು ರೂಢಿ ಮಾಡಿಕೊಂಡಿದ್ದ. ಕಗ್ಗಲಿಪುರ ಠಾಣೆ ವ್ಯಾಪ್ತಿಯ ಎರಡು ಕಡೆ ಇತ್ತೀಚೆಗೆ ನಡೆದಿದ್ದ ಬೈಕ್ ಕಳ್ಳತನ ಪ್ರಕರಣದ ಬೆನ್ನತ್ತಿದ್ದಾಗ ರಾಹುಲ್ನನ್ನು ಬಂಧಿಸಲಾಯಿತು. ಆತನ ಬಂಧನದಿಂದಾಗಿ ಕೆಂಗೇರಿ ಠಾಣೆ ವ್ಯಾಪ್ತಿಯಲ್ಲಿ ನಡೆದಿದ್ದ ಮತ್ತೊಂದು ದ್ವಿಚಕ್ರ ವಾಹನ ಕಳ್ಳತನ ಪ್ರಕರಣ ಸಹ ಪತ್ತೆಯಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.
ಆರೋಪಿಯಿಂದ ₹1.35 ಲಕ್ಷ ಮೌಲ್ಯದ ಪಲ್ಸರ್, ಸ್ಪೆಂಡರ್ ಬೈಕ್ ಹಾಗೂ ಡಿಯೊ ಸ್ಕೂಟರ್ ವಶಪಡಿಸಿಕೊಳ್ಳಲಾಗಿದೆ. ಡಿವೈಎಸ್ಪಿ ದಿನಕರ ಶೆಟ್ಟಿ ಮಾರ್ಗದರ್ಶನದಲ್ಲಿ ಇನ್ಸ್ಪೆಕ್ಟರ್ ವೆಂಕಟೇಶ್ ಕೆ. ನೇತೃತ್ವದಲ್ಲಿ ಪಿಎಸ್ಐ ನವಲೇಶ್, ಕಾನ್ಸ್ಟೆಬಲ್ಗಳಾದ ನಾಗರಾಜ, ರಾಹುಲ್ ಸಂಕ್ರಟ್ಟಿ ಹಾಗೂ ಇತರ ಸಿಬ್ಬಂದಿ ಬಂಧನ ಕಾರ್ಯಾಚರಣೆಯಲ್ಲಿ ಭಾಗವಹಿಸಿದ್ದರು.
