ತರಬೇತಿ ಸಂಸ್ಥೆಯ ನಿರ್ದೇಶಕಿ ಸುಮಾಎನ್.ಗಾಂವಕರ್ ಮಾತನಾಡಿ, ‘ನಮ್ಮ ಸಂಸ್ಥೆಯು ಗ್ರಾಮೀಣ ಮಹಿಳೆಯರ ಸರ್ವತೋಮುಖ ಅಭಿವೃದ್ಧಿಗಾಗಿ ಶ್ರಮಿಸುತ್ತಿದೆ. ಉದ್ಯಮಶೀಲತಾ ತರಬೇತಿ, ವಿವಿಧ ಉದ್ಯಮಗಳನ್ನು ಮಾಡಲು ಪ್ರೋತ್ಸಾಹ, ಬ್ಯಾಂಕಿನ ಹಣಕಾಸಿನ ಸಹಕಾರ, ನೀವು ತಯಾರು ಮಾಡುವ ವಸ್ತುಗಳು, ಪದಾರ್ಥಗಳಿಗೆ ಮಾರುಕಟ್ಟೆ ಮೊದಲಾದ ಅನುಕೂಲಗಳು ನಮ್ಮ ಸಂಸ್ಥೆಯಿಂದ ದೊರೆಯುತ್ತವೆ. ಈ ಅವಕಾಶವನ್ನು ನೀವು ಪಡೆದುಕೊಂಡು ನಿಮ್ಮ ಸುತ್ತಮುತ್ತಲಿನ ಮಹಿಳೆಯರಿಗೂ ಅವಕಾಶ ಕಲ್ಪಿಸಬೇಕು’ ಎಂದು ಮನವಿ ಮಾಡಿದರು.