‘ಸಮಾನ ಶಿಕ್ಷಣ ನೀಡಿ, ಜೀವನದ ಮಹತ್ವ ತಿಳಿಸಿ’

7

‘ಸಮಾನ ಶಿಕ್ಷಣ ನೀಡಿ, ಜೀವನದ ಮಹತ್ವ ತಿಳಿಸಿ’

Published:
Updated:
Deccan Herald

ಮಾಗಡಿ: ವಿದ್ಯಾರ್ಥಿಗಳಿಗೆ ಸಮಾನ ಶಿಕ್ಷಣ ನೀಡುವ ಮೂಲಕ ಮೌಲ್ಯ, ಕರುಣೆ, ದಯೆ, ಶ್ರಮ ಜೀವನದ ಮಹತ್ವ ತಿಳಿಸಿಕೊಡುವುದು ಎಲ್ಲ ಶಿಕ್ಷಕರ ಕರ್ತವ್ಯ ಎಂದು ಕಂಚುಗಲ್‌ ಬಂಡೇಮಠದ ಬಸವಲಿಂಗ ಸ್ವಾಮಿ ತಿಳಿಸಿದರು.

ಜಿಕೆಬಿಎಂಎಸ್‌ ಶಾಲೆಯ ಮುಖ್ಯೋಪಾಧ್ಯಾಯರಾಗಿ ಸೇವೆ ಸಲ್ಲಿಸಿ ನಿವೃತ್ತರಾದ ಮುದ್ದವೀರಪ್ಪ ದಂಪತಿಯನ್ನು ಸನ್ಮಾನಿಸಿ ಅವರು ಮಾತನಾಡಿದರು.

ಶಿಕ್ಷಕರು ಭವ್ಯಭಾರತದ ಪ್ರಜೆಗಳನ್ನು ನಿರ್ಮಾಣ ಮಾಡುವ ಶಿಲ್ಪಿಗಳು ಎಂಬುದನ್ನು ಮನವರಿಕೆ ಮಾಡಿಕೊಂಡು ಬಸವಾದಿ ಶರಣರು ಕಂಡ ಸಮ ಸಮಾಜ ನಿರ್ಮಿಸಲು ಮುಂದಾಗಬೇಕು ಎಂದು ಸಲಹೆ ನೀಡಿದರು.

ಸಿದ್ಧಗಂಗಾ ಮಠದಲ್ಲಿ ವಿದ್ಯಾಭ್ಯಾಸ ಮಾಡಿರುವ ಮುದ್ದವೀರಪ್ಪರವರು ಕಲಿಸುವ ಕಾಯಕದಲ್ಲಿ ದೇವರನ್ನು ಕಂಡ ಉತ್ತಮ ಶಿಕ್ಷಕರಾಗಿದ್ದರು ಎಂದು ಸ್ವಾಮೀಜಿ ಶ್ಲಾಘಿಸಿದರು.

ಕ್ಷೇತ್ರ ಶಿಕ್ಷಣಾಧಿಕಾರಿ ಸಿದ್ದೇಶ್ವರ.ಎಸ್‌.ಮಾತನಾಡಿ, ‘ಶಿಸ್ತಿನ ಶಿಪಾಯಿ ಮುಖ್ಯ ಶಿಕ್ಷಕ ಮುದ್ದವೀರಪ್ಪ ಅವರು ಜೆಕೆಬಿಎಂಎಸ್‌ ಶಾಲೆಯ ಬೆಳವಣಿಗೆಗೆ ಶ್ರಮಿಸಿದ್ದಾರೆ. ಅವರು ಸರ್ಕಾರಿ ಸೇವೆಯಲ್ಲಿ ನಾವು ಮಾಡಿದ ಉತ್ತಮ ಕೆಲಸವನ್ನು ಸಮಾಜ ಗುರುತಿಸುತ್ತದೆ’ ಎಂದರು.

ಮುದ್ದವೀರಪ್ಪ ಮಾತನಾಡಿ, ‘ನಮ್ಮ ತಾಯಿ ತಂದೆಯ ಆಶಯದಂತೆ ಶಿಕ್ಷಕನಾದೆ. ಸಿದ್ದಗಂಗೆಯ ಡಾ.ಶಿವಕುಮಾರ ಸ್ವಾಮೀಜಿ ಅವರ ಮಾರ್ಗದರ್ಶನ ಇಲ್ಲದಿದ್ದರೆ ಗುರಿಮುಟ್ಟಲು ಸಾಧ್ಯವಾಗುತ್ತಿರಲಿಲ್ಲ’ ಎಂದರು.

ಜಡೆದೇವರ ಮಠ ಇಮ್ಮಡಿ ಬಸವರಾಜ ಸ್ವಾಮಿ, ಗುಡೇಮಾರನಹಳ್ಳಿ ಜಗ್ಗಣಯ್ಯನ ಮಠ ಚನ್ನಬಸವಸ್ವಾಮಿ ಮಾತನಾಡಿದರು.

ಅನ್ನಪೂರ್ಣಮ್ಮ, ನಂದಾ ಮುದ್ದವೀರಪ್ಪ, ಪುರಸಭಾ ಸದಸ್ಯೆ ಶಿವರುದ್ರಮ್ಮ, ನಿವೃತ್ತ ಶಿಕ್ಷಕ ಗಂಗಾಧರಯ್ಯ, ಶಿಕ್ಷಕರ ಸಂಘದ ಅಧ್ಯಕ್ಷ ರೇಣುಕಾರಾಧ್ಯ, ಬಿಆರ್‌ಸಿ ಸಮನ್ವಯ ಅಧಿಕಾರಿ ರೂಪಾಕ್ಷ, ಸಿಆರ್‌ಪಿ ಮಂಜುನಾಥ್, ಮುನಿಯಪ್ಪ, ಶಿಕ್ಷಕರಾದ ಬಸವರಾಜು, ಶಿಕ್ಷಕರು, ವಿದ್ಯಾರ್ಥಿಗಳು ಇದ್ದರು.

Tags: 

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !