₹ 4.5 ಲಕ್ಷ ನಷ್ಟ: ಬೆಂಕಿ ಅವಘಡದಿಂದ ಸುಮಾರು ₹ 4.5 ಲಕ್ಷ ಮೌಲ್ಯದ ವಸ್ತುಗಳು ಹಾನಿಯಾಗಿವೆ ಎಂದು ತಿಳಿದು ಬಂದಿದೆ. 6 ಕಂಪ್ಯೂಟರ್, 8 ಕ್ಯಾಮೆರಾ, 6 ಪ್ರಿಂಟರ್, ಎಸಿ, ಸಿಸಿಟಿವಿ ಕ್ಯಾಮೆರಾ, ಹಣ ಎಣಿಕೆ ಯಂತ್ರ, ಸ್ಕ್ಯಾನರ್, ಫ್ಯಾನ್, ಪೀಠೋಪಕರಣ, ಆರು ಸ್ಪೀಕರ್ಗಳು, ರಿಜಿಸ್ಟರ್ಗಳು, ವೈರಿಂಗ್ ಸೇರಿ ಹಲವು ವಸ್ತುಗಳು ಹಾನಿಗೀಡಾವೆ. ಭಾನುವಾರ ಬ್ಯಾಂಕ್ಗೆ ರಜೆ ಇದ್ದ ಕಾರಣ ಯಾವುದೇ ಪ್ರಾಣಾಪಾಯ ಸಂಭವಿಸಿಲ್ಲ. ಅಗ್ನಿ ಅವಘಡ ಸಂಭವಿಸಿದ ಮಾಹಿತಿ ತಿಳಿಯುತ್ತಿದ್ದಂತೆ ದೊಡ್ಡ ಸಂಖ್ಯೆಯಲ್ಲಿ ಜನರು ಬ್ಯಾಂಕ್ ಬಳಿ ಜಮಾಯಿಸಿದ್ದರು. ಕೋಟೆ ಠಾಣೆ ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲಿಸಿದರು. ಅಗ್ನಿ ಶಾಮಕ ಸಿಬ್ಬಂದಿ ಕಾರ್ಯಾಚರಣೆ ನಡೆಸಿ ಬೆಂಕಿ ನಂದಿಸಿದ್ದಾರೆ.