ಹೊಳೆಹೊನ್ನೂರು: ಲಾರಿ ಕೊಡಿಸುವುದಾಗಿ ನಂಬಿಸಿ ಹಣ ಪಡೆದು ವಂಚಿಸಿದ್ದ ಆರೋಪಿಯನ್ನು ಸ್ಥಳೀಯ ಪೊಲೀಸರು ಶುಕ್ರವಾರ ಬಂಧಿಸಿದ್ದಾರೆ.
ಭದ್ರಾವತಿ ತಾಲ್ಲೂಕಿನ ವೀರಾಪುರ ಗ್ರಾಮದ ರಾಜೇಂದ್ರ ಬಂಧಿತ ಆರೋಪಿ. ಸೊರಬ ತಾಲ್ಲೂಕಿನ ಕುಪ್ಪಗಡ್ಡೆ ಗ್ರಾಮದ ಸುರೇಶ್ ಅವರಿಗೆ ಆರೋಪಿ ರಾಜೇಂದ್ರ ಲಾರಿ ಕೊಡಿಸುವುದಾಗಿ ಹೇಳಿಪಟ್ಟಣದ ನೃಪತುಂಗ ವೃತ್ತದ ಬಳಿ ₹ 5 ಲಕ್ಷ ಹಣ ಪಡೆದಿದ್ದ.ಹಣ ಪಡೆದ ನಂತರ ಲಾರಿ ನೀಡದೆ ಮೋಸ ಮಾಡಿ ತಲೆ ಮರೆಸಿಕೊಂಡಿದ್ದ.
ಈ ಸಂಬಂಧ ಸ್ಥಳೀಯ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿತ್ತು. ಪೊಲೀಸ್ ಇನ್‌ಸ್ಪೆಕ್ಟರ್ ಆರ್.ಎಲ್. ಲಕ್ಷ್ಮೀಪತಿ, ಪಿಎಸ್‍ಐ ಎಸ್. ಸುರೇಶ್ ನೇತೃತ್ವದ ತಂಡ ಆರೋಪಿಯನ್ನು ಬಂಧಿಸಿ ₹ 5 ಲಕ್ಷವಶಪಡಿಸಿಕೊಂಡಿದೆ.
