ತಾಂತ್ರಿಕ ದೋಷ: ಮುಪ್ಪಾನೆ ಲಾಂಚ್ ಸ್ಥಗಿತ

ನಿರಂತರ ಮಳೆಯಿಂದಾಗಿ ಶರಾವತಿ ಹಿನ್ನೀರಿನಲ್ಲಿ ನೀರಿನ ಪ್ರಮಾಣ ಹೆಚ್ಚಾಗಿದ್ದು, ಸೂಕ್ತ ಪ್ಲಾಟ್ ಫಾರ್ಮ್ ಇಲ್ಲದೆ ಲಾಂಚ್ ತಾಂತ್ರಿಕ ದೋಷಕ್ಕೆ ಒಳಗಾಗಿದೆ. ಮಣ್ಣಿನ ಮೇಲೆ ಲಾಂಚ್ ನಿಲುಗಡೆ ಮಾಡುವಾಗ ಮರದ ದಿಮ್ಮಿಗಳೂ ಪದೇ ಪದೇ ಲಾಂಚಿನ ಫ್ಯಾನ್ ತಳಭಾಗಕ್ಕೆ ಸಿಲುಕಿ ಲಾಂಚ್ ತಾಂತ್ರಿಕ ದೋಷಕ್ಕೆ ಒಳಗಾಗುತ್ತಿದೆ. ಅಲ್ಲದೇ ಲಾಂಚ್ ನಿರ್ವಹಣೆ ತಾಂತ್ರಿಕ ತಜ್ಞರು ಇಲಾಖೆಯಲ್ಲಿ ಇಲ್ಲದಿರುವುದರಿಂದ ಸದ್ಯ ಇನ್ನು 2 ದಿನ ಲಾಂಚ್ ಸೇವೆ ಪುನನರ್‌ ಆರಂಭ ಕಷ್ಟ ಎಂದು ಬಂದರು ಮತ್ತು ಒಳನಾಡು ಜಲ ಸಾರಿಗೆ ಇಲಾಖೆ ಮೂಲಗಳು ತಿಳಿಸಿವೆ.

ಮುಪ್ಪಾನೆ ಲಾಂಚ್ ನಿರಂತರವಾಗಿ ತಾಂತ್ರಿಕ ದೋಷಕ್ಕೆ ಒಳಗಾಗುತ್ತಿದ್ದರೂ ಅಧಿಕಾರಿಗಳು ಗಮನ ಹರಿಸುತ್ತಿಲ್ಲ ಎಂದು ಕರೂರು ಹೋಬಳಿಯ ಜನರು ದೂರಿದ್ದಾರೆ.

ಈಗಾಗಲೇ ಲಾಂಚ್ ಬಿಡಿ ಭಾಗಗಳನ್ನು ತೆಗೆದು ಸಾಗರಕ್ಕೆ ಕಳುಹಿಸಲಾಗಿದೆ. ಶ್ರೀಘವೇ ಲಾಂಚ್ ದುರಸ್ತಿಗೆ ಕ್ರಮ ಕೈಗೊಳ್ಳಲಾಗುವುದು ಎಂದು ಕಡವು ನಿರೀಕ್ಷಕ ಧನೇಂದ್ರ ಕುಮಾರ್ ಪ್ರಜಾವಾಣಿಗೆ ತಿಳಿಸಿದ್ದಾರೆ.