ಸೋಮವಾರ, ಅಕ್ಟೋಬರ್ 18, 2021
25 °C

ಬಸವ ಜಯಂತ್ಯುತ್ಸವ ಜತೆಗೆ ಸರಳ ವಿವಾಹ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

Prajavani

ಸೊರಬ: ತಾಲ್ಲೂಕಿನ ಜಡೆ ಗ್ರಾಮದ ಬಸವ ಪುತ್ಥಳಿಯ ಮುಂಭಾಗ ಭಾನುವಾರ ಬಸವ ಜಯಂತ್ಯುತ್ಸವ ಕಾರ್ಯಕ್ರಮವನ್ನು ಸರಳವಾಗಿ ಆಚರಿಸುವ ಜತೆಗೆ ಜೋಡಿಯೊಂದು ಸರಳವಾಗಿ ವಿವಾಹವಾಗುವ ಮೂಲಕ ಸಮಾಜಕ್ಕೆ ಮಾದರಿಯಾಗಿದೆ.

ಬಸವ ಜಯಂತಿ ಆಚರಿಸಿದ ಬಳಿಕ ಇಲ್ಲಿನ ವಿಠೋಬರಾವ್ ಉರಣಕರ್ ಅವರ ಪುತ್ರಿ ಸವಿತಾ ವಿ. ಉರಣಕರ್ ಅವರ ವಿವಾಹವು ಹೊನ್ನಾಳಿಯ ಎಚ್.ಪಿ. ಕಾಂತೇಶ್ ಅವರೊಂದಿಗೆ ಸರಳವಾಗಿ ನಡೆಯಿತು. ಈ ವೇಳೆ ಮಾಸ್ಕ್‌ ಧರಿಸಿ, ಅಂತರ ಕಾಪಾಡಿಕೊಳ್ಳಲಾಗಿತ್ತು.

ಸಾನ್ನಿಧ್ಯ ವಹಿಸಿದ್ದ ಜಡೆ ಸಂಸ್ಥಾನ ಮಠದ ಡಾ. ಮಹಾಂತ ಸ್ವಾಮೀಜಿ, ‘ಸಮಾಜದ ತಾರತಮ್ಯ, ಅನಿಷ್ಟತೆಗಳ ವಿರುದ್ಧ ಬಸವಣ್ಣನವರು ನಡೆಸಿದ ಹೋರಾಟ ಸ್ಮರಣೀಯ. ಬಸವ ಜಯಂತಿ ಆಚರಣೆಯ ಜತೆಗೆ ಬಸವೇಶ್ವರ ಪುತ್ಥಳಿಯ ಮುಂಭಾಗ ಜೋಡಿಯೊಂದು ಸರಳ ವಿವಾಹವಾಗಿರುವುದು ಸಮಾಜಕ್ಕೆ ಮಾದರಿಯಾಗಿದೆ’ ಎಂದರು.

‘ಆಡಂಬರದ ಮದುವೆ ಮಾಡಿ ಅನಗತ್ಯ ಖರ್ಚಿಗೆ, ಸಾಲಕ್ಕೆ ಗುರಿಯಾಗುವುದಕ್ಕಿಂತ ಈ ರೀತಿಯ ಮದುವೆಗಳು ನಡೆದು ಜನರು ಪ್ರಗತಿ ಕಾಣಬೇಕು. ಸವಿತಾ ಹಾಗೂ ಕಾಂತೇಶ್ ಅವರ ವೈವಾಹಿಕ ಜೀವನ ಸುಖಮಯವಾಗಿರಲಿ’ ಎಂದು ಶುಭ ಹಾರೈಸಿದರು.

ಜಿಲ್ಲಾ ಪಂಚಾಯಿತಿ ಸದಸ್ಯ ಶಿವಲಿಂಗಗೌಡ ಬಸವ ಪುತ್ಥಳಿಗೆ ಮಾಲಾರ್ಪಣೆ ಮಾಡಿದರು. ಎಪಿಎಂಸಿ ಮಾಜಿ ಅಧ್ಯಕ್ಷ ನಾಗರಾಜ ಗೌಡ, ಬಸವರಾಜ್, ಗಂಗಾಧರ್ ಇದ್ದರು.

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು