22 ಹಳ್ಳಿಗಳಲ್ಲಿ ಸ್ವಚ್ಚ ಸರ್ವೇಕ್ಷಣ ಅಭಿಯಾನ

7

22 ಹಳ್ಳಿಗಳಲ್ಲಿ ಸ್ವಚ್ಚ ಸರ್ವೇಕ್ಷಣ ಅಭಿಯಾನ

Published:
Updated:
Deccan Herald

ಕನಕಪುರ: ಪರಿಸರದ ಸ್ವಚ್ಛತೆ ಹಾಗೂ ಶೌಚಾಲಯ ಬಳಕೆಯ ಬಗ್ಗೆ ಜನ ಜಾಗೃತಿ ಮೂಡಿಸಲು ಸ್ವಚ್ಚ ಸರ್ವೇಕ್ಷಣಾ ಜಾಥಾ ರಥವು ಪ್ರತಿ ಗ್ರಾಮಕ್ಕೂ ಬರಲಿದೆ. ಜನತೆ ಇದರ ಸದುಪಯೋಗ ಪಡೆದುಕೊಳ್ಳಬೇಕೆಂದು ಪಂಚಾಯಿತಿ ಅಭಿವೃದ್ಧಿ ಅಧಿಕಾರಿ ಕೃಷ್ಣ ತಿಳಿಸಿದರು.

ತಾಲ್ಲೂಕಿನ ಅಚ್ಚಲು ಗ್ರಾಮ ಪಂಚಾಯಿತಿ ವತಿಯಿಂದ ನಡೆದ ಸ್ವಚ್ಛ ಸರ್ವೇಕ್ಷಣಾ ಜಾಥಾ ರಥಕ್ಕೆ ಚಾಲನೆ ನೀಡಿದ ಅವರು ಮಾತನಾಡಿದರು.

‘ಪರಿಸರದ ಸ್ವಚ್ಚತೆ ನಮ್ಮ ಕೈಯಲ್ಲಿದೆ, ಸುತ್ತಲಿನ ಪ್ರದೇಶವನ್ನು ಸ್ವಚ್ಚವಾಗಿ ಇಟ್ಟುಕೊಳ್ಳಬೇಕು. ಮನೆಯಲ್ಲಿ ಉತ್ಪತ್ತಿಯಾಗುವ ಒಣ ಮತ್ತು ಹಸಿ ಕಸವನ್ನು ಬೇರ್ಪಡಿಸಿ ಸೂಕ್ತ ಜಾಗದಲ್ಲಿ ಹಾಕಬೇಕು’ ಎಂದರು.

ಬಯಲು ಬಹಿರ್ದೆಸೆ ಮುಕ್ತಗೊಳಿಸಲು ಪ್ರತಿ ಮನೆಗೂ ಸರ್ಕಾರದ ವತಿಯಿಂದಲೇ ಶೌಚಾಲಯ ನಿರ್ಮಾಣ ಮಾಡಿಕೊಡಲಾಗಿದೆ. ಕೆಲವರು ಶೌಚಾಲಯ ಬಳಸದೆ ಕೆರೆ, ಹಳ್ಳ, ರಸ್ತೆ ಬದಿಗಳಿಗೆ ಹೋಗುತ್ತಾರೆ. ಇದರಿಂದ ಪರಿಸರ ಕಲುಷಿತವಾಗುತ್ತದೆ. ಸ್ವಚ್ಛಭಾರತದ ಪರಿಕಲ್ಪನೆ ಕನಸಾಗಿಯೇ ಉಳಿಯುತ್ತದೆ ಎಂದು ಎಚ್ಚರಿಸಿದರು.

ಶೌಚಾಲಯ ಬಳಸುವುದು ಎಷ್ಟು ಮುಖ್ಯವೋ ಬಳಕೆಯ ನಂತರ ಕೈ–ಕಾಲು ಮತ್ತು ಶೌಚಾಲಯವನ್ನು ಸ್ವಚ್ಛಗೊಳಿಸುವುದು ಅಷ್ಟೇ ಮುಖ್ಯವಾಗಿದೆ. ಇದರ ಬಗ್ಗೆ ಜಾಗೃತಿ ಮೂಡಿಸಲು ಸ್ವಚ್ಛ ಭಾರತ ಮಿಷನ್‌ ಕಾರ್ಯಕ್ರಮದ ತಂಡವು ಜಾಥಾ ರಥದ ಜತೆಗೆ ಹಳ್ಳಿಗಳಿಗೆ ಬಂದು ಎಲ್ಲ ಮಾಹಿತಿಯನ್ನು ನೀಡಿ ಅರಿವು ಮೂಡಿಸಲಿದೆ ಎಂದರು.

ಗ್ರಾಮ ಪಂಚಾಯಿತಿ ಅಧ್ಯಕ್ಷೆ ಗೌರಮ್ಮ ಪುಟ್ಟಮಾದಯ್ಯ, ಪಂಚಾಯಿತಿ ಸಿಬ್ಬಂದಿ, ಅಚ್ಚಲು ಸರ್ಕಾರಿ ಶಾಲೆಯ ಎಲ್ಲಾ ಶಿಕ್ಷಕರು ಮತ್ತು ಸಿಬ್ಬಂದಿ, ಸ್ನೇಹ ಸ್ವಯಂ ಸೇವಾ ಸಂಸ್ಥೆಯ ಕಾರ್ಯಕರ್ತರು, ಸ್ವಚ್ಚ ಭಾರತ ಮಿಷನ್‌ನ ತಾಲ್ಲೂಕು ಸಂಯೋಜಕಿ ಶಶಿಕಲಾ ಪಾಲ್ಗೊಂಡು ಜನರಲ್ಲಿ ಜಾಗೃತಿ ಮೂಡಿಸಿದರು.

Tags: 

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !