ಗುರುವಾರ , ನವೆಂಬರ್ 21, 2019
20 °C

ವಾಹನ ಸವಾರರು ರಸ್ತೆ ನಿಯಮ ಪಾಲಿಸಿ

Published:
Updated:
Prajavani

ಶಿವಮೊಗ್ಗ: ‘ವಾಹನ ಸವಾರರು ಕಡ್ಡಾಯವಾಗಿ ರಸ್ತೆ ನಿಯಮಗಳನ್ನು ಪಾಲಿಸುವುದರ ಜತೆಗೆ ವಾಹನ ದಾಖಲಾತಿಗಳನ್ನು ವಾಹನದಲ್ಲೇ ಸುರಕ್ಷಿತವಾಗಿ ಇಟ್ಟುಕೊಳ್ಳಬೇಕು’ ಎಂದು ದೊಡ್ಡಪೇಟೆ ಪೋಲಿಸ್ ಠಾಣೆಯ ವೃತ್ತ ಇನ್‌ಸ್ಪೆಕ್ಟರ್‌ ಆರ್. ವಸಂತ್‍ಕುಮಾರ್ ಸಲಹೆ ನೀಡಿದರು.

ರೋಟರಿ ಕ್ಲಬ್ ಶಿವಮೊಗ್ಗ ಮಿಡ್‍ಟೌನ್ ಸಭಾಂಗಣದಲ್ಲಿ ಶನಿವಾರ ತರಬೇತುದಾರರಿಗೆ ರಸ್ತೆ ಸುರಕ್ಷತೆ ಕುರಿತು ಹಮ್ಮಿಕೊಂಡಿದ್ದ ತರಬೇತಿ ಶಿಬಿರ ಉದ್ಘಾಟಿಸಿ ಅವರು ಮಾತನಾಡಿದರು.

‘ದ್ವಿಚಕ್ರ ವಾಹನ ಚಲಾವಣೆ ಮಾಡುವವರು ಕಡ್ಡಾಯವಾಗಿ ಐಎಸ್ಐ ಮಾರ್ಕಿನ ಹೆಲ್ಮೆಟ್‌, ನಾಲ್ಕು ಚಕ್ರ ವಾಹನ ಚಲಾವಣೆ ಮಾಡುವವರು ಸೀಟ್ ಬೆಲ್ಟ್ ಧರಿಸಬೇಕು. ಮದ್ಯಪಾನ ಮಾಡಿ ವಾಹನ ಚಲಾವಣೆ ಮಾಡಬಾರದು. ಅತಿಯಾದ ವೇಗಕ್ಕೆ ಕಡಿವಾಣ ಹಾಕಿ, ವಾಹನ ಚಾಲನೆ ಮಾಡುವಾಗ ರಸ್ತೆಯ ಮೇಲೆ ನಿಗಾ ಇರಬೇಕು’ ಎಂದರು.

ಕ್ಲಬ್‌ನ ಅಧ್ಯಕ್ಷೆ ಸುನೀತಾ ಶ್ರೀಧರ್, ಎಂ. ಮುರಳಿ, ರವೀಂದ್ರನಾಥ್ ಐತಾಳ್‍, ಜಿ. ವಿಜಯಕುಮಾರ್, ಸುವರ್ಣ ಅವಿನಾಶ್, ಎ.ಎಂ. ಸಾಗರ್, ತೇಜಸ್ವಿನಿ ಇದ್ದರು.

ಪ್ರತಿಕ್ರಿಯಿಸಿ (+)