ತರೀಕೆರೆ ಶಾಸಕರ ಆಸ್ತಿ ಅಕ್ರಮ ಮಾರಾಟ ಯತ್ನ: ನಾಲ್ವರ ಬಂಧನ

7

ತರೀಕೆರೆ ಶಾಸಕರ ಆಸ್ತಿ ಅಕ್ರಮ ಮಾರಾಟ ಯತ್ನ: ನಾಲ್ವರ ಬಂಧನ

Published:
Updated:

ಶಿವಮೊಗ್ಗ: ತರೀಕೆರೆ ಶಾಸಕ ಸುರೇಶ್ ಅವರಿಗೆ ಸೇರಿದ ಶಿವಮೊಗ್ಗ ಗಾಡಿಕೊಪ್ಪದ ಬಳಿಯ ಜಮೀನಿನ ನಕಲಿ ದಾಖಲೆಗಳನ್ನು ಸೃಷ್ಟಿಸಿ ಮಧ್ಯವರ್ತಿಗಳ ಮೂಲಕ ಮಾರಾಟ ಮಾಡಲು ಯತ್ನಿಸಿದ್ದ  ಆರೋಪಿಗಳನ್ನು ಜಯನಗರ ಠಾಣೆ ಪೊಲೀಸರು ಬುಧವಾರ ಬಂಧಿಸಿದ್ದಾರೆ.

ನಕಲಿ ದಾಖಲೆ ಸೃಷ್ಟಿಸಿ ಜಮೀನು ಮಾರಾಟಕ್ಕೆ ಯತ್ನಿಸಿದ್ದ ವಿಶ್ವನಾಥ್ ಮತ್ತು ಮೂವರನ್ನು ಪೊಲೀಸರು ಬಂಧಿಸಿದ್ದಾರೆ.

ಗಾಡಿಕೊಪ್ಪದಲ್ಲಿರುವ 3.18 ಎಕರೆ ಜಮೀನು ಸುರೇಶ್‌ ಅವರ ಪಿತ್ರಾರ್ಜಿತ ಆಸ್ತಿ. ಆರೋಪಿಗಳು ಜಮೀನಿನ ದಾಖಲೆ ಪತ್ರಗಳು, ಆಧಾರ್ ಕಾರ್ಡ್ ಸೇರಿ ಎಲ್ಲಾ ದಾಖಲೆಗಳನ್ನು ನಕಲಿಯಾಗಿ ಮಾಡಿಸಿಕೊಂಡಿದ್ದರು. ಹಣದ ತುರ್ತು ಅಗತ್ಯ ಇರುವ ಕಾರಣ ಮಾರಾಟ ಮಾಡುತ್ತಿರುವುದಾಗಿ ನಂಬಿಸಿದ್ದರು.

ಮಾತುಕತೆ ನಡೆದು ನೋಂದಣಿಗೂ ದಿನ ನಿಗದಿಯಾಗಿತ್ತು. ಆದರೆ, ಸಂಪೂರ್ಣ ಹಣವನ್ನು ನಗದು ರೂಪದಲ್ಲೇ ಕೊಡಬೇಕು ಎಂದು ಪಟ್ಟು ಹಿಡಿದ ಕಾರಣ ಅನುಮಾನಗೊಂಡ ಮಧ್ಯವರ್ತಿಗಳು ಮೂಲ ದಾಖಲೆ ತೆಗೆಸಿದಾಗ, ಅದು ತರೀಕೆರೆ ಶಾಸಕರಿಗೆ ಸೇರಿದ ಆಸ್ತಿ ಎಂದು ಮಾಹಿತಿ ದೊರಕಿದೆ. ನಂತರ ಪೊಲೀಸರಿಗೆ ಮಾಹಿತಿ ನೀಡಿ, ಬಂಧಿಸಲು ಸಹಕರಿಸಿದ್ದಾರೆ. 

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !