12 ಶುದ್ಧ ನೀರಿನ ಘಟಕಗಳ ಬಾಕಿ ವಿದ್ಯುತ್ ಬಿಲ್ ಮೊತ್ತವು ₹ 6.6 ಲಕ್ಷ ಆಗಿದೆ. ಈ ಎಲ್ಲ ಮೊತ್ತವನ್ನೂ ಅನಧಿಕೃತವಾಗಿ ಘಟಕಗಳನ್ನು ವಶಕ್ಕೆ ಪಡೆದು ನಡೆಸಿದವರೇ ಪಾವತಿಸಬೇಕು. ಮೂರು ದಿನಗಳ ಒಳಗಡೆ ವಿದ್ಯುತ್ ಬಿಲ್ ಬಾಕಿ ಮೊತ್ತವನ್ನು ಬೆಸ್ಕಾಂಗೆ ಪಾವತಿಸಿ ರಸೀದಿ ಪಡೆದು ಮಹಾನಗರ ಪಾಲಿಕೆ ಆಯುಕ್ತರ ಕಚೇರಿಗೆ ಸಲ್ಲಿಸಬೇಕು. ಒಂದು ವೇಳೆ ಬಿಲ್ ಪಾವತಿ ಮಾಡದೇ ಇದ್ದರೆ ನಿಯಾವಳಿ ಪ್ರಕಾರ ಸಾರ್ವಜನಿಕ ಆಸ್ತಿ ದುರ್ಬಳಕೆ, ಅಧಿಕಾರ ದುರುಪಯೋಗ, ಭ್ರಷ್ಟಾಚಾರದ ಆರೋಪದ ಮೇಲೆ ಕ್ರಿಮಿನಲ್ ಪ್ರಕರಣ ದಾಖಲಿಸಲಾಗುವುದು ಎಂದು ಎಚ್ಚರಿಕೆ ನೀಡಿದ್ದಾರೆ.