ದಾಸಾಲುಕುಂಟೆ: ಸಿಡಿಲು ಬಡಿದು ಅಡಿಕೆ ಮರ ನಾಶ

ಕುರಂಕೋಟೆ ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ದಾಸಾಲುಕುಂಟೆ ಬೀಮಣ್ಣ ಅವರ ಅಡಿಕೆ ತೋಟಕ್ಕೆ ಹತ್ತು ದಿನಗಳ ಹಿಂದೆ ಜೋರಾಗಿ ಸಿಡಿಲು ಬಡಿದು ಹಲವು ಮರಗಳ ಸುಳಿ ನೆಲಕ್ಕೆ ಬೀಳುತ್ತಿವೆ. ಮತ್ತಷ್ಟು ಮರಗಳು ನಾಶವಾಗುವ ಭಯ ರೈತರಿಗೆ ಕಾಡುತ್ತಿದೆ.

ತೋಟದ ಮಧ್ಯೆ ಭಾಗದ 32 ಮರಗಳ ಮಾತ್ರ ಶಾಖದಿಂದ ಸುಟ್ಟಿವೆ. ಸುತ್ತಮುತ್ತಲಿನ ಯಾವ ಭಾಗದಲ್ಲೂ ಬೇರೆ ಯಾವುದೇ ಅನಾಹುತ ಆಗಿಲ್ಲ.
ಸಿಡಿಲು ಬಡಿದ ದಿನ ಕೆಲವು ಮಾತ್ರ ಕಾಣುತ್ತಿದ್ದು, ಕೆಲ ದಿನಗಳ ನಂತರ ಹೆಚ್ಚು ಮರಗಳಿಗೆ ಸಿಡಿಲು ಬಡಿದಿರುವುದು ಕಾಣುತ್ತಿದೆ.

‘ಪ್ರಕೃತಿ ವಿಕೋಪ ನಿಧಿಯಿಂದ ಸಹಾಯ ನೀಡಬೇಕು’ ಎಂದು ಗ್ರಾಮ ಪಂಚಾಯಿತಿ ಸದಸ್ಯ ಗಿರೀಶ್ ಒತ್ತಾಯಿಸಿದ್ದಾರೆ.