‘ಕೋಳಿ ಮಾಂಸ ಸುರಕ್ಷಿತ’ ಜಾಹೀರಾತಿಗೆ ಸಿಎಸ್ಇ ಕಿಡಿ

ಆಲ್ ಇಂಡಿಯಾ ಪೌಲ್ಟ್ರಿ ಡೆವಲಪ್‌ಮೆಂಟ್ ಆ್ಯಂಡ್ ಸರ್ವಿಸಸ್  ನೀಡಿದ ಜಾಹೀರಾತನ್ನು ಉಲ್ಲೇಖಿಸಿರುವ ಸಿಎಸ್ಇ, ‘ಇದು ಸಂಪೂರ್ಣ ತಪ್ಪು ಮಾಹಿತಿ ರವಾನಿಸುತ್ತದೆ’ ಎಂದಿದೆ.

2014ರಲ್ಲಿ ಸಿಎಸ್ಇ ಕೋಳಿ ಮಾಂಸಗಳ ಕುರಿತು ಅಧ್ಯಯನ ನಡೆಸಿತ್ತು. ‘ಅಧ್ಯಯನದ ಫಲಿತಾಂಶವನ್ನು ತಿರುಚಿ, ಜಾಹೀರಾತಿನಲ್ಲಿ ವಾಸ್ತವಾಂಶವನ್ನು ಮರೆಮಾಚಲಾಗಿದೆ’ ಎಂದು ಸಿಎಸ್ಇ ಹೇಳಿದೆ.

‘ಭಾರತದ ಕೋಳಿ ಸಾಕಣೆ ಉದ್ಯಮದಲ್ಲಿ ಪ್ರತಿಜೀವಕಗಳ ಬಳಕೆ ವಿಧಾನವನ್ನು ಅಳವಡಿಸಿಕೊಳ್ಳಲಾಗಿದೆ. ಕೋಳಿಗಳು ದಷ್ಟಪುಷ್ಟವಾಗಿ ಬೆಳೆಯಬೇಕೆಂದು ಜೀವ ಉಳಿಸಲು ಬಳಸುವ ಕೊಲಿಸ್ಟಿನ್‌ನಂಥ ಔಷಧಗಳನ್ನೂ ಬಳಸಲಾಗುತ್ತಿದೆ. ಇದನ್ನು ತಗ್ಗಿಸಲು ಉದ್ಯಮದ ಪ್ರಾಮಾಣಿಕ ಪ್ರಯತ್ನ ಕಾಣುತ್ತಿಲ್ಲ’ ಎಂದು ಸಿಎಸ್ಇ ಉಪ ಪ್ರಧಾನ ನಿರ್ದೇಶಕ ಚಂದ್ರ ಭೂಷಣ್ ಹೇಳಿದ್ದಾರೆ.

‘ಕೋಳಿ ಸಾಕಣೆ ಕೇಂದ್ರಗಳು ರೋಗಾಣುಗಳ ತಾಣವಾಗುತ್ತಿವೆ ಎಂಬ ವರದಿಯನ್ನೂ ನಿರ್ಲಕ್ಷಿಸಲಾಗಿದೆ’ ಎಂದರು.