ತಾಲ್ಲೂಕಿನಲ್ಲಿ 34,723 ಹೆಕ್ಟೇರ್ ಸಾಗುವಳಿ ವಿಸ್ತೀರ್ಣ ಇದೆ. 29,323 ಹೆಕ್ಟೇರ್ ಪ್ರದೇಶದಲ್ಲಿ ಬಿತ್ತನೆ ಗುರಿ ಇದೆ. ಜೂನ್ 2ನೇ ವಾರದ ನಂತರ ಪೂರ್ಣಾವಧಿ ಬಿತ್ತನೆ ಪ್ರಾರಂಭವಾಗಲಿದೆ. ಜೂನ್ ಮೊದಲ ವಾರದಲ್ಲಿ ಶೇ 60ರಿಂದ 70ರಷ್ಟು ಉಳುಮೆ ಮುಗಿಯಲಿದೆ. ಉಳುಮೆ ಮುಗಿದ ನಂತರ ಶೇಂಗಾ, ಮುಸುಕಿನ ಜೋಳ, ತೊಗರಿ, ಅಲಸಂದಿ, ನವಣೆ, ಬಿತ್ತನೆಯ ಭತ್ತಕ್ಕೆ ಬೇಡಿಕೆ ಹೆಚ್ಚಾಗಲಿದೆ. ತಾಲ್ಲೂಕಿನ ರೈತ ಸಂಪರ್ಕ ಕೇಂದ್ರಗಳಲ್ಲಿ ಈಗಾಗಲೇ ಬಿತ್ತನೆ ಬೀಜ ಶೇಖರಿಸಲಾಗಿದೆ. ಜೂನ್ 4ನೇ ವಾರದಿಂದ ಆಗಸ್ಟ್ 31ರವರೆಗೆ ಬಿತ್ತನೆ ನಡೆಯುವುದರಿಂದ ಅದರ ಅನ್ವಯ ಬಿತ್ತನೆ ಬೀಜಗಳನ್ನು ಬೇಡಿಕೆಗೆ ತಕ್ಕಂತೆ ರಿಯಾಯಿತಿ ದರದಲ್ಲಿ ವಿತರಣೆಗೆ ಕೃಷಿ ಇಲಾಖೆ ಸಿದ್ಧತೆ ನಡೆಸಿದೆ.