ತುಮಕೂರು: ತಾಲ್ಲೂಕಿನ ಹೆಬ್ಬೂರು ಪಟ್ಟಣದ ಬಸವನಗುಡಿ ಬಳಿಯ ಸಿ.ಎಸ್.ಪುರ ರಸ್ತೆಯಲ್ಲಿ ಗುರುವಾರ ರಾತ್ರಿ ಬೈಕ್ಗೆ ಕಾರು ಡಿಕ್ಕಿಯಾಗಿ ಬೈಕ್ ಸವಾರ ಕರೇಗೌಡ (40) ಮೃತಪಟ್ಟಿದ್ದಾರೆ.
ಮೃತರು ಗುಬ್ಬಿ ತಾಲ್ಲೂಕು ಸಿ.ಎಸ್.ಪುರ ಸಮೀಪದ ನೆಟ್ಟಿಕೆರೆ ಗ್ರಾಮದ ನಿವಾಸಿ. ಕೂಲಿ ಕೆಲಸ ಮಾಡಿಕೊಂಡಿದ್ದರು. ಹೆಬ್ಬೂರು ಕಡೆಯಿಂದ ನೆಟ್ಟಿಕೆರೆಗೆ ಹೋಗುವಾಗ ಸಿ.ಎಸ್.ಪುರ ಕಡೆಯಿಂದ ಹೆಬ್ಬೂರಿನತ್ತ ಬರುತ್ತಿದ್ದ ಕಾರು ಡಿಕ್ಕಿಯಾಗಿದೆ. ಬೈಕ್ನಲ್ಲಿದ್ದ ಚಿತ್ತಯ್ಯ (34) ಎಂಬುವರು ಗಾಯಗೊಂಡಿದ್ದು, ಆಸ್ಪತ್ರೆಗೆ ದಾಖಲಿಸಲಾಗಿದೆ. ಹೆಬ್ಬೂರು ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
