ಬಿರುಸುಗೊಂಡ ರಾಗಿ ಖರೀದಿ

ತಾಲ್ಲೂಕಿನಲ್ಲಿ 4,456 ರೈತರು ನೋಂದಣಿಯಾಗಿದ್ದಾರೆ. ಮಾರ್ಚ್‌ ನಿಂದ ಪ್ರಾರಂಭವಾದ ರಾಗಿ ಖರೀದಿಯ ಪ್ರಕ್ರಿಯೆಯಲ್ಲಿ ಮಾರ್ಚ್ 25ರವರೆಗೆ 53,630 ಕ್ವಿಂಟಲ್ ರಾಗಿ ಖರೀದಿಮಾಡಲಾಗಿತ್ತು. ಕೊರೊನಾ ಭೀತಿಯ ಹಿನ್ನೆಲೆಯಲ್ಲಿ ಮಾರ್ಚ್ 26ರಿಂದ ಖರೀದಿಯನ್ನು ಸ್ಥಗಿತಗೊಳಿಸಲಾಗಿತ್ತು.

ಐದು ದಿನಗಳಿಂದ 500 ರೈತರಿಂದ 7,500 ಕ್ವಿಂಟಲ್ ಖರೀದಿಮಾಡಲಾಗಿದೆ ಎಂದು ತಿಳಿಸಿದ ವ್ಯವಸ್ಥಾಪಕ ಮುನಿರಾಜು, ಈಗಾಗಲೇ 2,788 ರೈತರಿಗೆ ಹಣ ಪಾವತಿಯಾಗಿದೆ. ವಿವರಗಳನ್ನು ಸಮರ್ಪಕವಾಗಿ ನೀಡದ ಮತ್ತು ತಾಂತ್ರಿಕ ದೋಷಗಳಿಂದ ಕೆಲವು ರೈತರ ಹಣ ಪಾವತಿಯಾಗಿಲ್ಲ. ಮೇ 28ರವರೆಗೂ ಖರೀದಿಗೆ ಅವಕಾಶ ನೀಡಲಾಗಿದೆ ಎಂದು ತಿಳಿಸಿದ್ದಾರೆ.