ನಗರದಲ್ಲಿ ಬೈಸಿಕಲ್ ಬೀಟ್‌ ಗೆ ಚಾಲನೆ

7

ನಗರದಲ್ಲಿ ಬೈಸಿಕಲ್ ಬೀಟ್‌ ಗೆ ಚಾಲನೆ

Published:
Updated:
Deccan Herald

ತುಮಕೂರು: ಜನಸ್ನೇಹಿ ಪೊಲೀಸ್ ವ್ಯವಸ್ಥೆಗೆ ತುಮಕೂರು ಜಿಲ್ಲಾ ಪೊಲೀಸ್ ಮತ್ತೊಂದು ಹೆಜ್ಜೆ ಇರಿಸಿದ್ದು, ತುಮಕೂರು ನಗರದಲ್ಲಿ ‘ಬೈಸಿಕಲ್ ಬೀಟ್’ ವ್ಯವಸ್ಥೆಯನ್ನು ಗುರುವಾರ ಜಾರಿಗೊಳಿಸಲಾಗಿದೆ.

ನಗರದ ಹೊಸ ಬಡಾವಣೆ ಠಾಣೆ, ನಗರ ಪೊಲೀಸ್ ಠಾಣೆ, ಜಯನಗರ ಮತ್ತು ತಿಲಕ್‌ ಪಾರ್ಕ್ ಪೊಲೀಸ್ ಠಾಣೆ ವ್ಯಾಪ್ತಿಯ ಬಡಾವಣೆಗಳಲ್ಲಿ ಹಗಲು ಹೊತ್ತಿನಲ್ಲಿ ಪೊಲೀಸರು ಬೈಸಿಕಲ್ ಏರಿ ಗಸ್ತು ತಿರುಗುವುದು ಈ ನೂತನ ಬೈಸಿಕಲ್ ಬೀಟ್ ವಿಶೇಷ.

ನಾಗರೀಕರಿಗೆ ‘ನಿಮ್ಮ ನೆರವಿಗೆ ನಾವಿದ್ದೇವೆ’ ಎಂಬ ಸಂದೇಶ ನೀಡುವರು. ಹಗಲಿನಲ್ಲಿ ಮಹಿಳೆಯರು ಸೇರಿದಂತೆ ಹೆಚ್ಚಿನ ಸಂಖ್ಯೆಯಲ್ಲಿ ವಾಯುವಿಹಾರಕ್ಕೆ ತೆರಳುವ ಸ್ಥಳಗಳು, ಮಾರುಕಟ್ಟೆ ಪ್ರದೇಶಗಳು, ದೇವಸ್ಥಾನಗಳು, ಶಾಲಾ ಕಾಲೇಜುಗಳ ಬಳಿ ಈ ಬೈಸಿಕಲ್ ಬೀಟ್ ಸಕ್ರಿಯವಾಗಿರುತ್ತದೆ.

ಈ ಬೀಟ್‌ನಿಂದ ಪೊಲೀಸರು ನಾಗರೀಕರೊಂದಿಗೆ ಬೆರೆಯುವ ಅವಕಾಶ ದೊರೆಯಲಿದ್ದು, ಅಕ್ರಮ ಚಟುವಟಿಕೆಗಳು, ಅನುಮಾನಾಸ್ಪದ ವ್ಯಕ್ತಿಗಳ ಬಗ್ಗೆ ನಿಗಾ ಇಡಲು, ದಾಳಿ ನಡೆಸಲು ಈ ಬೀಟ್ ಸಾಧ್ಯವಾಗಲಿದೆ ಎಂದು ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಡಾ.ದಿವ್ಯಾ ಗೋಪಿನಾಥ್ ಹೇಳಿದ್ದಾರೆ.

ಮುಖ್ಯವಾಗಿ ಪೊಲೀಸರ ಇರುವಿಕೆ(ಪೊಲೀಸ್ ಪ್ರಸೆನ್ಸ್) ಜನರ ಅರಿವಿಗೆ ಬರಲಿದೆ ಹಾಗೂ ಪೊಲೀಸರ ದೈಹಿಕ ಸಾಮರ್ಥ್ಯ ಕೂಡಾ ಹೆಚ್ಚಲಿದೆ ಎಂದು ಹೇಳಿದರು.

ನೂತನ ಬೈಸಿಕಲ್ ಬೀಟ್ ಆಗಸ್ಟ್ 16ರಿಂದಲೇ ನಗರದಲ್ಲಿ ಕಾರ್ಯಾರಂಭ ಮಾಡಿದೆ ಎಂದು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ..

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !