ಗುರುವಾರ, 28 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ಗಜ್ಜರಿ, ಸೊಪ್ಪು ದುಬಾರಿ

ಏರುತ್ತಲೇ ಸಾಗಿದೆ ಅಡುಗೆ ಎಣ್ಣೆ ಬೆಲೆ
Last Updated 2 ಆಗಸ್ಟ್ 2021, 2:24 IST
ಅಕ್ಷರ ಗಾತ್ರ

ತುಮಕೂರು: ಅಡುಗೆ ಎಣ್ಣೆ ಬೆಲೆ ಮತ್ತೆ ಏರಿಕೆ ಮುಂದುವರಿಸಿದ್ದರೆ, ಕ್ಯಾರೆಟ್ ದುಬಾರಿಯಾಗಿದ್ದು, ಇಳಿಕೆಯಾಗಿದ್ದ ಸೊಪ್ಪಿನ ಬೆಲೆ ಒಮ್ಮೆಲೆ ಹೆಚ್ಚಳ ಕಂಡಿದೆ. ಹಣ್ಣು, ಕೆಲ ತರಕಾರಿ ಬೆಲೆ ಏರುತ್ತಲೇ ಸಾಗಿದೆ. ಮೀನು ಧಾರಣೆ ಮತ್ತಷ್ಟು ಹೆಚ್ಚಳವಾಗಿದೆ.

ಸನ್‌ಫ್ಲವರ್ ಕೆ.ಜಿ ₹155ಕ್ಕೆ, ಪಾಮಾಯಿಲ್ ಕೆ.ಜಿ ₹127ಕ್ಕೆ ಮಂಡಿಪೇಟೆ ಮಾರುಕಟ್ಟೆಯಲ್ಲಿ ಮಾರಾಟವಾಗುತ್ತಿದೆ. ಕಳೆದ ಐದಾರು ತಿಂಗಳಿಂದ ಏರಿಕೆಯತ್ತಲೇ ದಾಪುಗಾಲು ಹಾಕಿದ್ದ ಎಣ್ಣೆ ಧಾರಣೆ, ಜೂನ್ ಕೊನೆ ಭಾಗದಲ್ಲಿ ಅಲ್ಪ ಇಳಿಕೆಯಾಗಿತ್ತು. ಈಗ ಮತ್ತೆ ಏರಿಕೆಯಾಗುತ್ತಲೇ ಇದೆ.
ತೊಗರಿ ಬೇಳೆ, ಉದ್ದಿನ ಬೇಳೆ, ಹುರಿಗಡಲೆ ಬೆಲೆ ಕೊಂಚ ಹೆಚ್ಚಳವಾಗಿದೆ.

ಕ್ಯಾರೆಟ್ ದುಬಾರಿ: ಕಳೆದ ಒಂದು ತಿಂಗಳಿಂದ ಗಗನಮುಖಿಯಾಗಿರುವ ಕ್ಯಾರೆಟ್, ಪ್ರಸ್ತುತ ಕೆ.ಜಿ ₹50–60ಕ್ಕೆ ಜಿಗಿದಿದೆ. ಅಂತರಸನಹಳ್ಳಿ ಮಾರುಕಟ್ಟೆಯಲ್ಲಿ ಈ ಬೆಲೆಗೆ ಮಾರಾಟವಾಗುತ್ತಿದ್ದು, ಚಿಲ್ಲರೆಯಾಗಿ ಕೆ.ಜಿ ₹80–100ಕ್ಕೆ ಮಾರಾಟ ಮಾಡಲಾಗುತ್ತಿದೆ. ಬೀನ್ಸ್ ಧಾರಣೆಯಲ್ಲಿ ಹೆಚ್ಚಿನ ವ್ಯತ್ಯಾಸವಾಗಿಲ್ಲ, ಹಸಿರು ಮೆಣಸಿನಕಾಯಿ ದರ ಕುಸಿದಿದೆ. ಸೌತೆಕಾಯಿ ಒಂದು ಕಾಯಿಗೆ ₹5–6ಕ್ಕೆ ಮಾರಾಟವಾಗುತ್ತಿದೆ.

ಸೇಬು, ದಾಳಿಂಬೆ ಬೆಲೆ ಅಲ್ಪ ತಗ್ಗಿದ್ದರೆ, ಏಲಕ್ಕಿ ಬಾಳೆ ಹಣ್ಣಿನ
ಬೆಲೆ ಹೆಚ್ಚಳವಾಗಿದೆ. ಇತರ
ಹಣ್ಣುಗಳ ಬೆಲೆಯಲ್ಲಿ ಹೆಚ್ಚಿನ ವ್ಯತ್ಯಾಸವಾಗಿಲ್ಲ.

ಕೋಳಿ ಇಳಿಕೆ: ಕೋಳಿ ಕೆ.ಜಿ ಬೆಲೆ ₹10 ಕಡಿಮೆಯಾಗಿದ್ದು, ಬ್ರಾಯ್ಲರ್ ಕೋಳಿ ಈ ವಾರ ಕೆ.ಜಿ ₹170ಕ್ಕೆ, ರೆಡಿ ಚಿಕನ್ ₹250ಕ್ಕೆ, ಮೊಟ್ಟೆ ಕೋಳಿ ಕೆ.ಜಿ ₹130ಕ್ಕೆ ಮಾರುಕಟ್ಟೆಯಲ್ಲಿ ಮಾರಾಟವಾಗುತ್ತಿದೆ.

ಮೀನು ಬೆಲೆ ಏರಿಕೆ: ಕರಾವಳಿ ಭಾಗದಲ್ಲಿ ಮುಂಗಾರು ಮಳೆ ಆರಂಭವಾಗಿದ್ದು, ಸಮುದ್ರದಲ್ಲಿ ಮೀನುಗಾರಿಕೆ ನಿಷೇಧಿಸಿದ್ದು, ಮಾರುಕಟ್ಟೆಗೆ ಮೀನು ಬರುವುದು ಕಡಿಮೆಯಾಗಿದೆ.
ಬೆಲೆ ತೀವ್ರವಾಗಿ ಏರಿಕೆ ಕಂಡಿದೆ. ಬಂಗುಡೆ ಕೆ.ಜಿ ₹380, ಬೂತಾಯಿ ಕೆ.ಜಿ ₹230, ಬಿಳಿಮಾಂಜಿ ಕೆ.ಜಿ
₹980, ಅಂಜಲ್ ಕೆ.ಜಿ ₹1,060, ಸೀಗಡಿ
ಕೆ.ಜಿ 550ಕ್ಕೆ ನಗರದ ಮತ್ಸ್ಯ ದರ್ಶಿನಿಯಲ್ಲಿ ಮಾರಾಟವಾಗುತ್ತಿದೆ.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT