ಶಿರಾ: ನಗರದ ಎಸ್ಬಿಐ ಬ್ಯಾಂಕ್ನ ಎಟಿಎಂನಲ್ಲಿ ಸಹಾಯ ಕೇಳಿದ ಮಹಿಳೆಗೆ ಸಹಾಯ ಮಾಡುವ ನೆಪದಲ್ಲಿ ಎಟಿಎಂ ಕಾರ್ಡ್ ಬದಲಿಸಿ ₹ 1.36 ಲಕ್ಷ ವಂಚಿಸಲಾಗಿದೆ.
ಜ್ಯೋತಿನಗರದ ಮಹಿಳೆಯೊಬ್ಬರು ಜೂನ್ 26ರಂದು ಎಸ್ಬಿಐ ಬ್ಯಾಂಕ್ನ ಎಟಿಎಂನಲ್ಲಿ ತನ್ನ ಖಾತೆಗೆ ₹ 10 ಸಾವಿರ ಜಮಾ ಮಾಡಲು ತೆರಳಿದ್ದರು. ಸಹಾಯ ಮಾಡುವಂತೆ ಅಲ್ಲಿದ್ದ ಯುವಕನನ್ನು ಕೇಳಿದ್ದರು. ಆಗ ಖಾತೆಗೆ ಹಣ ಜಮಾ ಮಾಡಿದ ಯುವಕ, ಆಕೆಯ ಎಟಿಎಂ ಕಾರ್ಡ್ ಬದಲಿಸಿ ನಕಲಿ ಎಟಿಎಂ ಕಾರ್ಡ್ ಕೊಟ್ಟು ಹೋಗಿದ್ದಾನೆ.
ನಂತರ ಮಹಿಳೆಯ ಎಟಿಎಂ ಕಾರ್ಡ್ ಬಳಸಿ ₹ 1.36 ಲಕ್ಷ ಡ್ರಾ ಮಾಡಿದ್ದಾನೆ.
ಜುಲೈ 8ರಂದು ಮಹಿಳೆ ಜಮೆ ಮಾಡಿದ ಹಣವನ್ನು ಪಾಸ್ಬುಕ್ನಲ್ಲಿ ದಾಖಲಿಸಲು ಬ್ಯಾಂಕ್ಗೆ ತೆರಳಿದಾಗ ಖಾತೆಯಲ್ಲಿದ್ದ ಹಣ ದೋಚಿರುವುದು ತಿಳಿದಿದೆ. ಈ ಬಗ್ಗೆ ಶಿರಾ ನಗರ ಠಾಣೆಯ ಪೊಲೀಸರಿಗೆ ದೂರು ನೀಡಿದ್ದಾರೆ.