ಸೋಮವಾರ, ಆಗಸ್ಟ್ 10, 2020
22 °C

ಎಟಿಎಂ ಕಾರ್ಡ್‌ ಬದಲಿಸಿ ₹ 1.36 ಲಕ್ಷ ವಂಚನೆ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಶಿರಾ: ನಗರದ ಎಸ್‌ಬಿಐ ಬ್ಯಾಂಕ್‌ನ ಎಟಿಎಂನಲ್ಲಿ ಸಹಾಯ ಕೇಳಿದ ಮಹಿಳೆಗೆ ಸಹಾಯ ಮಾಡುವ ನೆಪದಲ್ಲಿ ಎಟಿಎಂ ಕಾರ್ಡ್‌ ಬದಲಿಸಿ‌ ₹ 1.36 ಲಕ್ಷ ವಂಚಿಸಲಾಗಿದೆ.

ಜ್ಯೋತಿನಗರದ ಮಹಿಳೆಯೊಬ್ಬರು ಜೂನ್‌ 26ರಂದು ಎಸ್‌ಬಿಐ ಬ್ಯಾಂಕ್‌ನ ಎಟಿಎಂನಲ್ಲಿ ತನ್ನ ಖಾತೆಗೆ ₹ 10 ಸಾವಿರ ಜಮಾ ಮಾಡಲು ತೆರಳಿದ್ದರು. ಸಹಾಯ ಮಾಡುವಂತೆ ಅಲ್ಲಿದ್ದ ಯುವಕನನ್ನು ಕೇಳಿದ್ದರು. ಆಗ ಖಾತೆಗೆ ಹಣ ಜಮಾ ಮಾಡಿದ ಯುವಕ, ಆಕೆಯ ಎಟಿಎಂ ಕಾರ್ಡ್‌ ಬದಲಿಸಿ ನಕಲಿ ಎಟಿಎಂ ಕಾರ್ಡ್‌ ಕೊಟ್ಟು ಹೋಗಿದ್ದಾನೆ.

ನಂತರ ಮಹಿಳೆಯ ಎಟಿಎಂ ಕಾರ್ಡ್‌ ಬಳಸಿ ₹ 1.36 ಲಕ್ಷ ಡ್ರಾ ಮಾಡಿದ್ದಾನೆ.

ಜುಲೈ 8ರಂದು ಮಹಿಳೆ ಜಮೆ ಮಾಡಿದ ಹಣವನ್ನು ಪಾಸ್‌ಬುಕ್‌ನಲ್ಲಿ ದಾಖಲಿಸಲು ಬ್ಯಾಂಕ್‌ಗೆ ತೆರಳಿದಾಗ ಖಾತೆಯಲ್ಲಿದ್ದ ಹಣ ದೋಚಿರುವುದು ತಿಳಿದಿದೆ. ಈ ಬಗ್ಗೆ ಶಿರಾ ನಗರ ಠಾಣೆಯ ಪೊಲೀಸರಿಗೆ ದೂರು ನೀಡಿದ್ದಾರೆ.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.