ಬುಧವಾರ, ಸೆಪ್ಟೆಂಬರ್ 30, 2020
20 °C
ಸೋಂಕಿತರ ಸಂಖ್ಯೆ 2,081ಕ್ಕೆ ಏರಿಕೆ, ಈವರೆಗೆ 1,110 ಮಂದಿ ಗುಣಮುಖ

ತುಮಕೂರು: 5 ಮಂದಿ ಸಾವು, 93 ಮಂದಿಗೆ ಸೋಂಕು

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

Prajavani

ತುಮಕೂರು: ಜಿಲ್ಲೆಯಲ್ಲಿ ಮಂಗಳವಾರ 5 ಮಂದಿ ಮೃತಪಟ್ಟಿದ್ದು, 93 ಮಂದಿಗೆ ಸೋಂಕು ತಗುಲಿರುವುದು ದೃಢಪಟ್ಟಿದೆ.

ಮೃತಪಟ್ಟವರಲ್ಲಿ 4 ಮಂದಿ ಪುರುಷರು ಹಾಗೂ ಒಬ್ಬರು ಮಹಿಳೆ ಇದ್ದಾರೆ. ಅದರಲ್ಲಿ 4 ಮಂದಿ ತುಮಕೂರು ತಾಲ್ಲೂಕಿನವರೇ ಇದ್ದಾರೆ. ಮೃತಪಟ್ಟ 5 ಮಂದಿಯೂ 65 ವರ್ಷ ಮೇಲ್ಪಟ್ಟವರೇ ಆಗಿದ್ದಾರೆ.

ತುಮಕೂರು ತಾಲ್ಲೂಕು ಕುಂಟರಾಮನಪಾಳ್ಯದ 70 ವರ್ಷದ ವೃದ್ಧ ಚಿಕಿತ್ಸೆಗೆ ಸ್ಪಂದಿಸದೇ ಮಂಗಳವಾರ ಮೃತಪಟ್ಟಿದ್ದಾರೆ. ತುಮಕೂರು ನಗರ ಪಿ.ಎಚ್‌.ಕಾಲೋನಿಯ 67 ವ್ಯಕ್ತಿ ಆರೋಗ್ಯ ಸಮಸ್ಯೆಯಿಂದಾಗಿ ಆ.1 ರಂದು ಜಿಲ್ಲಾ ಆಸ್ಪತ್ರೆಗೆ ದಾಖಲಾಗಿ ಆ.2 ರಂದು ಮೃತಪಟ್ಟಿದ್ದಾರೆ. ಇವರ ಗಂಟಲುದ್ರವವನ್ನು ಪರೀಕ್ಷೆ ಮಾಡಿದಾಗ ಕೊರೊನಾ ಸೋಂಕು ತಗುಲಿರುವುದು ದೃಢಪಟ್ಟಿದೆ.

ತುಮಕೂರು ವಿದ್ಯಾನಗರದ 73 ವರ್ಷದ ವೃದ್ಧೆ ಆ.3 ರಂದು ಹಾಗೂ ಸದಾಶಿವನಗರದ 69 ವರ್ಷದ ವ್ಯಕ್ತಿ ಆ.2 ರಂದು ಚಿಕಿತ್ಸೆಗೆ ಸ್ಪಂದಿಸದೇ ಮೃತಪಟ್ಟಿದ್ದಾರೆ. ಇನ್ನೂ ಮಧುಗಿರಿ ತಾಲ್ಲೂಕು ಕೆ.ಆರ್.ಬಡಾವಣೆಯ 70 ವರ್ಷದ ವೃದ್ಧ ಆರೋಗ್ಯ ಸಮಸ್ಯೆಯಿಂದಾಗಿ ಆ.1 ರಂದು ಜಿಲ್ಲಾ ಆಸ್ಪತ್ರೆಗೆ ದಾಖಲಾಗಿ, ಆ.2 ರಂದು ಮೃತಪಟ್ಟಿದ್ದಾರೆ. ಇವರ ಗಂಟಲುದ್ರವವನ್ನು ಪರೀಕ್ಷೆ ಮಾಡಿದಾಗ ಕೊರೊನಾ ಸೋಂಕು ತಗುಲಿರುವುದು ದೃಢಪಟ್ಟಿದೆ.

ತಾಲ್ಲೂಕಿನಲ್ಲಿ ಸಾವಿರದತ್ತ ಪ್ರಕರಣ: ತುಮಕೂರು ತಾಲ್ಲೂಕಿನಲ್ಲಿ ಮಂಗಳವಾರ 42 ಮಂದಿಗೆ ಸೋಂಕು ತಗುಲಿದ್ದು, ಈವರೆಗೆ ಸೋಂಕು ತಗುಲಿರುವವರ ಸಂಖ್ಯೆ 871ಕ್ಕೆ ಏರಿಕೆಯಾಗಿದೆ. ಮಂಗಳವಾರ ಜಿಲ್ಲೆಯಲ್ಲಿ 63 ಮಂದಿ ಗುಣಮುಖರಾಗಿದ್ದು, ಅವರಲ್ಲಿ 21 ಮಂದಿ ತುಮಕೂರು ತಾಲ್ಲೂಕಿನವರಿದ್ದಾರೆ. ಜಿಲ್ಲೆಯಲ್ಲಿ ಈವರೆಗೆ 1110 ಮಂದಿ ಗುಣಮುಖರಾಗಿದ್ದು, 908 ಮಂದಿಗೆ ಕೊರೊನಾ ಸಕ್ರಿಯವಾಗಿದೆ.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು