ಮನೆ ಗೋಡೆ ಕುಸಿತ: ಟ್ರ್ಯಾಕ್ಟರ್ ಜಖಂ

ತಾಲ್ಲೂಕಿನಲ್ಲಿ ಎಡಬಿಡದೇ ಸುರಿಯುತ್ತಿರುವ ಮಳೆಯಿಂದ ಡೊಂಕಿಹಳ್ಳಿಯ ದೇವರಾಜು ಎಂಬುವರಿಗೆ ಸೇರಿದ ಹೆಂಚಿನ ಮನೆಯ ಗೋಡೆ ಬೆಳಿಗ್ಗೆ ಕುಸಿದು ಬಿದ್ದಿದೆ. ಇದೇ ವೇಳೆ ಮನೆಯ ಪಕ್ಕವೇ ನಿಲ್ಲಿಸಿದ್ದ ಗಂಗಾಧರ್ ಎಂಬುವರಿಗೆ ಸೇರಿದ ಟ್ರ್ಯಾಕ್ಟರ್ ಮೇಲೆ ಗೋಡೆ ಬಿದ್ದಿದೆ. ಇದರಿಂದ ಟ್ರ್ಯಾಕ್ಟರ್‌ನ ಎಂಜಿನ್ ಮತ್ತು ಟ್ರೈಲರ್ ಸಹ ಜಖಂಗೊಂಡಿದೆ.

‘ಮಳೆಯಿಂದ ಮನೆ ಮತ್ತು ಟ್ರ್ಯಾಕ್ಟರ್ ಎರಡೂ ಹಾಳಾಗಿದೆ. ಸುಮಾರು ₹ 4 ಲಕ್ಷ ನಷ್ಟ ಸಂಭವಿಸಿದೆ. ಆದ್ದರಿಂದ ಸರ್ಕಾರ ಪ್ರಕೃತಿ ವಿಕೋಪದಡಿ ದೇವರಾಜು ಮತ್ತು ಗಂಗಾಧರ್ ಅವರಿಗೆ ಸೂಕ್ತ ಪರಿಹಾರ ಒದಗಿಸಬೇಕು. ಈ ಬಗ್ಗೆ ಅಧಿಕಾರಿಗಳು ಪರಿಶೀಲಿಸಿ ವರದಿ ನೀಡಬೇಕು’ ಎಂದು ಟಿಎಪಿಸಿಎಂಎಸ್ ನಿರ್ದೇಶಕ ಡಿ.ಪಿ.ರಾಜುಒತ್ತಾಯಿಸಿದರು.