ಶಾಲಾ- ಕಾಲೇಜುಗಳಿಗೆ ವಿದ್ಯಾರ್ಥಿಗಳು ಸಂತೋಷದಿಂದ ಬಣ್ಣ- ಬಣ್ಣದ ಉಡುಗೆಗಳನ್ನು ತೊಟ್ಟು, ಮಾಸ್ಕ್ ಧರಿಸಿ ಬಂದ ದೃಶ್ಯ ಸಾಮಾನ್ಯವಾಗಿತ್ತು. ಇನ್ನೂ ಕೆಲ ವಿದ್ಯಾರ್ಥಿಗಳೊಂದಿಗೆ ಪೋಷಕರು ಬಂದು ಒಪ್ಪಿಗೆ ಪತ್ರ ನೀಡಿ ಶಾಲೆಯ ವಾತಾವರಣ, ಸುರಕ್ಷತೆಯನ್ನು ಗಮನಿಸಿ ಶಾಲೆಯ ಮುಖ್ಯಸ್ಥರಿಗೆ ಸಹಕಾರ ನೀಡುವ ಭರವಸೆಯನ್ನು ನೀಡಿದರು. ಮತ್ತೆ ಕೆಲ ಪೋಷಕರು ಆಕ್ಷೇಪ ಪತ್ರಗಳನ್ನು ನೀಡಿದ್ದು, ಆನ್ಲೈನ್ ಮೂಲಕವೇ ಶಿಕ್ಷಣ ಪಡೆಯುವುದಾಗಿ ಹೇಳಿ ಹಿಂತಿರುಗಿದರು. ಹೊಸ ವರ್ಷದಂದು ಬಹಳ ದಿನಗಳ ನಂತರದಲ್ಲಿ ಒಟ್ಟಾಗಿ ಸೇರಿದ್ದ ವಿದ್ಯಾರ್ಥಿಗಳು ಪರಸ್ಪರ ಕುಶಲೋಪರಿ ವಿಚಾರಿಸುವ ಜೊತೆಗೆ ಪಠ್ಯಕ್ರಮದ ಬಗ್ಗೆ ಅಂತರ ಕಾಯ್ದುಕೊಂಡು ಚರ್ಚೆಯಲ್ಲಿ ತೊಡಗಿದ್ದರು.