ಬೇರೆ ಪ್ರಕರಣಗಳಲ್ಲಿ ಜಪ್ತಿ ಮಾಡಿದ ಚಿನ್ನದ ವಿವರ: ಮೇಣ ಹಾಗೂ ತಲೆಗೂದಲಿಗೆ ಬಳಸುವ ಕ್ರೀಂನಲ್ಲಿ ಇಟ್ಟುಕೊಂಡು ಚಿನ್ನ ಸಾಗಣೆಗೆ ವೆಂಕಟರಾಮನ್ ಹರಿಪ್ರಸಾದ್ (23) ಹಾಗೂ ರಾಮಚಂದ್ರ ವೆಂಕಟೇಶ್ (21) ಯತ್ನ. ಅವರಿಂದ ₹5.33 ಲಕ್ಷ ಮೌಲ್ಯದ 215 ಗ್ರಾಂ ವಶಪಡಿಸಿಕೊಳ್ಳಲಾಗಿದೆ. ಆ್ಯನೀಸ್ ಅಹ್ಮದ್ (35) ಎಂಬುವರು ಚಡ್ಡಿಯಲ್ಲಿ ಇಟ್ಟುಕೊಂಡು ಸಾಗಣೆಗೆ ಯತ್ನಿಸಿದ ₹10.76 ಲಕ್ಷ ಮೌಲ್ಯದ 344 ಗ್ರಾಂ ಹಾಗೂ ಗುದದ್ವಾರದಲ್ಲಿ ಚಿನ್ನ ಇಟ್ಟುಕೊಂಡು ಸಾಗಣೆ ಮಾಡುತ್ತಿದ್ದ ಮೊಹಮ್ಮದ್ ನಸ್ರತ್ (27) ಎಂಬುವರಿಂದ ₹6.4 ಲಕ್ಷ ಮೌಲ್ಯದ 204 ಗ್ರಾಂ ವಶಕ್ಕೆ ಪಡೆಯಲಾಗಿದೆ. ಇದಲ್ಲದೇ, ಚಿನ್ನದ ವೈರ್ಗಳನ್ನು ಸಾಗಿಸುತ್ತಿದ್ದ ಮೊಹಮ್ಮದ್ ಮುಸ್ತಫಾ (39) ಎಂಬುವರಿಂದ ₹18.27 ಲಕ್ಷ ಮೌಲ್ಯದ 582 ಗ್ರಾಂ ವಶಪಡಿಸಿಕೊಳ್ಳಲಾಗಿದೆ ಎಂದು ತಿಳಿಸಿದ್ದಾರೆ.