ಶನಿವಾರ, ನವೆಂಬರ್ 23, 2019
23 °C

ಗುಬ್ಬಿ: ಹೇಮಾವತಿ ನಾಲೆಗೆ ಹೆದ್ದಾರಿ ಮಣ್ಣು, ಸಂಚಾರ–ನೀರು ಹರಿವು ಸ್ಥಗಿತದ ಆತಂಕ

Published:
Updated:

ತುಮಕೂರು: ಗುಬ್ಬಿ ತಾಲ್ಲೂಕು ನಿಟ್ಟೂರು ಹೋಬಳಿ ಸಾಗರನಹಳ್ಳಿ ಗೇಟ್ ಸಮೀಪ ರಾಷ್ಟ್ರೀಯ ಹೆದ್ದಾರಿಯ 206ರಲ್ಲಿ ಒಂದು ಬದಿಯಲ್ಲಿ ಮಣ್ಣು ಕುಸಿದಿದೆ.

ಮಣ್ಣು ಕುಸಿತ ಹೆಚ್ಚಾದರೆ ಮುಖ್ಯ ನಾಲೆ ಮುಚ್ಚಿಕೊಳ್ಳುವ ಸಾಧ್ಯತೆ ಇದೆ. ಅಂಥ ಸಂದರ್ಭ ಎದುರಾದರೆ ಸಮೀಪದ ಕಾರೇಹಳ್ಳಿ ಎಸ್ಕೇಪ್ ಪೂರ್ಣ ಪ್ರಮಾಣದಲ್ಲಿ ತೆರೆದು ಮುಖ್ಯ ನಾಲೆಯಲ್ಲಿ ನೀರು ಹರಿಯುವ ವೇಗವನ್ನು ನಿಯಂತ್ರಿಸಬೇಕಾಗುತ್ತದೆ.

ಕಳೆದ ಮೂರು ತಿಂಗಳಿಂದೀಚೆಗೆ ಹೆದ್ದಾರಿಯ ಮಣ್ಣು ಕುಸಿಯುತ್ತಿತ್ತು. ಅಧಿಕಾರಿಗಳು ಅತ್ತ ಗಮನಹರಿಸಲಿಲ್ಲ. ಸೋಮವಾರ ರಾತ್ರಿ ಈ ಪ್ರದೇಶದಲ್ಲಿ ಭಾರಿ ಮಳೆ ಸುರಿದು, ರಸ್ತೆ ಮೇಲೆ ನೀರು ಹರಿಯಿತು. ನೀರಿನ ರಭಸಕ್ಕೆ ಹೆದ್ದಾರಿ ಬದಿಯ ಮಣ್ಣು ನಾಲೆಗೆ ಕೊಚ್ಚಿ ಹೋಗಿದೆ. 

ಮಣ್ಣು ಕುಸಿತ ಹೆಚ್ಚಾದರೆ ಹೆದ್ದಾರಿ ಮಾರ್ಗದಲ್ಲಿ ವಾಹನ ಸಂಚಾರ ಬದಲಿಸಬೇಕಾಗುತ್ತದೆ. ನಾಲೆಯಲ್ಲಿ ನೀರು ಹರಿಯದಿದ್ದರೆ ಗುಬ್ಬಿ, ಶಿರಾ, ತುಮಕೂರು, ಕುಣಿಗಲ್ ತಾಲ್ಲೂಕಿಗೆ ಹೇಮಾವತಿ ನೀರು ಹರಿಯುವುದಕ್ಕೆ ತೊಂದರೆಯಗಲಿದೆ.

ಪ್ರತಿಕ್ರಿಯಿಸಿ (+)