ತುರುವೇಕೆರೆ: 7ರಿಂದ ಕೆಂಪಮ್ಮ ಜಾತ್ರೆ ಆರಂಭ

ಶುಕ್ರವಾರರಂದು ಬೆಳಿಗ್ಗೆ 9 ರಿಂದ 10ಗಂಟೆಯೊಳಗೆ ಸಲ್ಲುವ ಶುಭ ಮಹೂರ್ತದಲ್ಲಿ ರಥೋತ್ಸವದ ಅಂಗವಾಗಿ ಧ್ವಜಾರೋಹಣ, ದೇವಿಗೆ ಅಭಿಷೇಕ, ನವಗ್ರಹ ಪೂಜೆ, ಸಹಸ್ರನಾಮ, ಕುಂಕುಮಾರ್ಚನೆ, ಪೂಜಾ ಕಾರ್ಯಕ್ರಮ, ಮಹಾಮಂಗಳಾರತಿ, ತೀರ್ಥ ಪ್ರಸಾದ ವಿನಿಯೋಗವಿದೆ.

ರಾತ್ರಿ 10ಗಂಟೆಗೆ ದೇವಿಗೆ ಪುಷ್ಪ ಮಂಟಪೋತ್ಸವ, ವಿದ್ಯುತ್ ದೀಪಾಲಂಕಾರ, ಇತರೆ ಮನರಂಜನಾ ಕಾರ್ಯಕ್ರಮಗಳು ಮದ್ದಿನ ಸೇವೆಯೊಡನೆ ಜರುಗಲಿವೆ.

8ರಂದು ಬೆಳಿಗ್ಗೆ ದೇವಿ ಸುಪ್ರಭಾತ, ಪೂಜೆ, ಮಧ್ಯಾಹ್ನ ಅಪಾರ ಭಕ್ತರ ಸಮೂಹದಲ್ಲಿ ಕೆಂಪಮ್ಮ ದೇವಿಯ ರಥೋತ್ಸವ ವಿಜೃಂಭಣೆಯಿಂದ ನಡೆಯಲಿದೆ.

ಭಾನುವಾರ ರಾತ್ರಿ 9.30ಕ್ಕೆ ‘ಕುರುಕ್ಷೇತ್ರ’ ನಾಟಕ ಪ್ರದರ್ಶನವಿದೆ. ಭಕ್ತರು ಹೆಚ್ಚಿನ ಸಂಖ್ಯೆಯಲ್ಲಿ ಆಗಮಿಸಬೇಕು ಎಂದು ಕೆಂಪಮ್ಮ ದೇವಿ ಸೇವಾ ಸಮಿತಿಯ ಪ್ರಕಟಣೆ
ತಿಳಿಸಿದೆ.