ಹಸಿರು ತುಮಕೂರಿಗೆ ಓಡಿದರು... ಬಹುಮಾನ ಪಡೆದರು...

7
ನಗರದಲ್ಲಿ ವಿನಾಯಕ ಯೂತ್ ಅಸೋಸಿಯೇಷನ್ ಆಯೋಜಿಸಿದ್ಧ ಮ್ಯಾರಾಥಾನ್‌ ನಲ್ಲಿ ಕಂಡು ಬಂದ ನೋಟ

ಹಸಿರು ತುಮಕೂರಿಗೆ ಓಡಿದರು... ಬಹುಮಾನ ಪಡೆದರು...

Published:
Updated:
Deccan Herald

ತುಮಕೂರು: ಮಕ್ಕಳು, ಹಿರಿಯರು, ಮಹಿಳೆಯರು, ಯುವಕರು, ರಾಜಕಾರಣಿಗಳು, ಅಧಿಕಾರಿಗಳು ಹೀಗೆ ಬೆಳ್ಳಂ ಬೆಳಿಗ್ಗೆ ಪೈಪೋಟಿಗೆ ಬಿದ್ದು ಓಡಿದರು.

ಇದೇನಿದು ಭಾನುವಾರ ಹೀಗೆ ಓಡುತ್ತಿದ್ದಾರೆ ಎಂದು ಕುತೂಹಲದಿಂದ ನೋಡಿದವರಿಗೆ ಕಂಡಿದ್ದು ಹಸಿರು ತುಮಕೂರು, ನೀರು, ನದಿಗಳನ್ನು ಉಳಿಸಿ ಎಂಬ ಸಂದೇಶಗಳು.

ನಗರದ ಎಸ್‌ಐಟಿ ಮುಖ್ಯ ರಸ್ತೆಯ ಸಿದ್ದೇಶ್ವರ ಕನ್ವೆನ್ಷನ್ ಹಾಲ್‌ ಮುಂಭಾಗದಿಂದ ವಿನಾಯಕ ಯೂತ್ ಅಸೋಸಿಯೇಷನ್ ಭಾನುವಾರ ಹಸಿರು ತುಮಕೂರು, ನೀರು ಮತ್ತು ನದಿಗಳನ್ನು ಉಳಿಸಿ ಎಂಬ ಧ್ಯೇಯದಡಿ ಆಯೋಜಿಸಿದ್ದ ಮ್ಯಾರಾಥಾನ್ ಓಟದಲ್ಲಿ ಕಂಡು ಬಂದ ನೋಟ.

ಗಂಗೋತ್ರಿ ರಸ್ತೆ, ಬಿ.ಎಚ್.ರಸ್ತೆ, ಶಿವಕುಮಾರ ಸ್ವಾಮೀಜಿ ವೃತ್ತ, ಭದ್ರಮ್ಮ ವೃತ್ತ, ವಾಸನ್ ಐ ಕೇರ್, ಎಸ್.ಎಸ್.ಪುರಂ, ಇಂದಿರಾ ಗಾಂಧಿ ವೃತ್ತದ ಮೂಲಕ ಪುನಃ ಸಿದ್ದೇಶ್ವರ ಕನ್ವೆನ್ಷನ್ ಹಾಲ್‌ಗೆ ಬಂದು ತಲುಪಿತು.

ಓಟದಲ್ಲಿ 500ಕ್ಕೂ ಹೆಚ್ಚು ಮಂದಿ ಪಾಲ್ಗೊಂಡಿದ್ದರು. ಭಾಗವಹಿಸಿದ್ದ ಎಲ್ಲರಿಗೂ ಟೀ ಶರ್ಟ್‌ಗಳನ್ನು ಸಂಘಟಕರು ವಿತರಿಸಿದರು.

ಬಹುಮಾನ ವಿಜೇತರು: 16 ವರ್ಷದೊಳಗಿನ ಬಾಲಕರಲ್ಲಿ ಸಿದ್ಧಗಂಗಾ ಮಠದ ಆಕಾಶ್ ಬಿ, ಸರ್ವೋದಯ ಪ್ರೌಢಶಾಲೆಯ ಪಿ.ಧನುಷ್, ಚೇತನಾ ವಿದ್ಯಾಮಂದಿರದ ಎಂ.ಶಶಾಂಕ್, ಬಾಲಕಿಯರ ವಿಭಾಗದಲ್ಲಿ ಸೋಮೇಶ್ವರ ಶಾಲೆಯ ಬಿಲ್ವಶ್ರೀ, ಯಂಗ್ ಚಾಲೆಂಜರ್ಸ್ ಸಂಸ್ಥೆಯ ಲಿಖಿತ ಹಾಗೂ ಪ್ರಕೃತಿ ಬಹುಮಾನ ಪಡೆದರು.

ಮಹಿಳಾ ವಿಭಾಗದಲ್ಲಿ ಕುಣಿಗಲ್ ಸರ್ಕಾರಿ ಪ್ರಥಮ ದರ್ಜೆ ಕಾಲೇಜಿನ ಕೆ.ಬಿ.ನೇತ್ರಾವತಿ, ಅಶೋಕನಗರದ ಪಿ.ಮೇಘನಾ, ಶಾರದಾಂಬ ಪದವಿ ಪೂರ್ವ ಕಾಲೇಜಿನ ನಾಗಮಣಿ ಬಹುಮಾನ ಪಡೆದರು.

ಪುರುಷರ ವಿಭಾಗದಲ್ಲಿ ಕೊರಟಗೆರೆಯ ಟಿ.ಎಸ್.ಸಂದೀಪ್, ಪೊಲೀಸ್ ಇಲಾಖೆಯ ಗುರುಪ್ರಸಾದ್, ಕುಣಿಗಲ್‌ ಸರ್ಕಾರಿ ಪ್ರಥಮ ದರ್ಜೆ ಕಾಲೇಜಿನ ಬೋರೇಗೌಡ ಬಹುಮಾನ ಪಡೆದರು. ವಿಜೇತರಿಗೆ ಪ್ರಮಾಣ ಪತ್ರ ವಿತರಿಸಲಾಯಿತು.

ಓಟಕ್ಕೆ ಚಾಲನೆ ನೀಡಿ ಮಾತನಾಡಿದ ಬಿಜೆಪಿ ಹಿರಿಯ ಮುಖಂಡ ಡಾ.ಎಂ.ಆರ್.ಹುಲಿನಾಯ್ಕರ್, ‘ವಿಶ್ವದಲ್ಲಿ ಮ್ಯಾರಥಾನ್‌ ಓಟಕ್ಕೆ ಅತ್ಯಂತ ಮಹತ್ವವಿದೆ. ವಯಸ್ಸಿನ ಮಿತಿ ಇಲ್ಲದೇ ಎಲ್ಲರೂ ಪಾಲ್ಗೊಳ್ಳಬಹುದು. ಇಂತಹ ಓಟಗಳು ಆರೋಗ್ಯಕ್ಕೂ ಒಳ್ಳೆಯದು ಮತ್ತು ಜಗತ್ತಿನ ಒಳಿತಿಗೆ ಉತ್ತಮ ಸಂದೇಶ ಸಾರುವಲ್ಲಿ, ಆಶಯ ಈಡೇರಿಕೆಯಲ್ಲಿ ಮಹತ್ವದ ಪಾತ್ರ ವಹಿಸುತ್ತವೆ’ ಎಂದು ಹೇಳಿದರು.

ಸಂಘಟಕರಾದ ಚಂದನ್ ಮಾತನಾಡಿ,‘ಒಂದು ಉತ್ತಮ ಉದ್ದೇಶದಿಂದ ವಿನಾಯಕ ಯೂಥ್ ಅಸೋಸಿಯೇಷನ್ ಈ ಮ್ಯಾರಾಥಾನ್ ಓಟ ಹಮ್ಮಿಕೊಂಡಿದೆ’ ಎಂದು ಹೇಳಿದರು.

ಮಹಾನಗರ ಪಾಲಿಕೆ ಸದಸ್ಯ ಎಚ್.ಮಲ್ಲಿಕಾರ್ಜುನಯ್ಯ, ಲೋಹಿತ್, ಸಿದ್ಧಲಿಂಗಮೂರ್ತಿ, ಸಿದ್ಧಲಿಂಗ ಸ್ವಾಮಿ ಇದ್ದರು.

Tags: 

ಬರಹ ಇಷ್ಟವಾಯಿತೆ?

  • 1

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !