ತುಮಕೂರು: ತೊಗರಿ ಬೇಳೆ ಮತ್ತೆ ದುಬಾರಿ

ಗೆಡ್ಡೆಕೋಸು ದುಬಾರಿ: ಕೆಲವು ತರಕಾರಿಗಳ ಬೆಲೆ ಹೆಚ್ಚಳವಾಗಿದ್ದರೆ, ಮತ್ತೆ ಕೆಲವು ಇಳಿಕೆ ಕಂಡಿವೆ. ಗೆಡ್ಡೆಕೋಸು ಒಮ್ಮೆಲೆ ಎರಡು ಪಟ್ಟು ದುಬಾರಿಯಾಗಿದ್ದು, ಕೆ.ಜಿ ₹50–60ಕ್ಕೆ ಜಿಗಿದಿದೆ. ಕ್ಯಾರೇಟ್, ಬೀಟ್ರೂಟ್, ಮೂಲಂಗಿ, ಎಲೆಕೋಸು, ತೊಂಡೆಕಾಯಿ, ನುಗ್ಗೆಕಾಯಿ ದರ ಏರಿಕೆಯಾಗಿದೆ. ಆಲೂಗಡ್ಡೆ, ಬೆಂಡೆಕಾಯಿ, ಬದನೆಕಾಯಿ, ಹಸಿರು ಮೆಣಸಿನ ಕಾಯಿ ಧಾರಣೆ ಅಲ್ಪ ಇಳಿಕೆಯಾಗಿದೆ.

ಈ ವರ್ಷದ ಆರಂಭದಿಂದಲೂ ಶುಂಠಿ ಬೆಲೆ ಏರುತ್ತಲೇ ಸಾಗಿದ್ದು, ಈಗ ಬಹುತೇಕ ತಪ್ಪಟ್ಟಾಗಿದೆ. ಬೆಲೆ ದಾಖಲೆ ಮಟ್ಟಕ್ಕೆ ಏರಿಕೆ ಕಂಡಿದ್ದು ಕೆ.ಜಿ ₹120– 160ಕ್ಕೆ ಹೆಚ್ಚಳವಾಗಿದೆ. ಈವರೆಗೆ ತೀವ್ರ ಕುಸಿತ ಕಂಡಿದ್ದ ಟೊಮೆಟೊ ಬೆಲೆ ಈ ವಾರ ಸ್ವಲ್ಪ ಮಟ್ಟಿಗೆ ಚೇತರಿಸಿಕೊಂಡಂತೆ ಕಾಣುತ್ತಿದೆ.

ಸೊಪ್ಪು ಏರಿಕೆ: ಬೇಸಿಗೆ ಬಿಸಿಲಿನ ಝಳ ದಿನದಿಂದ ದಿನಕ್ಕೆ ತೀವ್ರ ಸ್ವರೂಪ ಪಡೆದುಕೊಳ್ಳುತ್ತಲೇ ಇದ್ದು, ಸೊಪ್ಪಿನ ಬೆಲೆಯೂ ಅದೇ ದಾರಿಯಲ್ಲಿ ಸಾಗಿದೆ. ಮೆಂತ್ಯೆ, ಪಾಲಕ್ ಸೊಪ್ಪು ದರ ದುಪ್ಪಟ್ಟಾಗಿದೆ. ಕೊತ್ತಂಬರಿ ಸೊಪ್ಪು ಕೆ.ಜಿ ₹50–60, ಸಬ್ಬಕ್ಕಿ ಸೊಪ್ಪು ಕೆ.ಜಿ ₹60–70, ಮೆಂತ್ಯ ಕೆ.ಜಿ ₹70–80, ಪಾಲಕ್ ಸೊಪ್ಪು (ಕಟ್ಟು) ₹50ಕ್ಕೆ ಏರಿಕೆಯಾಗಿದೆ.

ಬಾಳೆ ಹಣ್ಣು ಇಳಿಕೆ: ಮಾರುಕಟ್ಟೆಗೆ ಮಾವಿನ ಹಣ್ಣು ಕಾಲಿಡುತ್ತಿದ್ದಂತೆ ಇತರೆ ಹಣ್ಣುಗಳ ಬೆಲೆ ನಿಯಂತ್ರಣಕ್ಕೆ ಬಂದಿದೆ. ಬಾಳೆ ಹಣ್ಣು ಕೆ.ಜಿಗೆ ₹10 ಕಡಿಮೆಯಾಗಿದ್ದರೆ, ಕರಬೂಜ, ಸಪೋಟ ದುಬಾರಿಯಾಗಿದೆ. ದ್ರಾಕ್ಷಿ ದರ ದುಪ್ಪಟ್ಟಾಗಿದೆ. ಉಳಿದ ಹಣ್ಣುಗಳ ಬೆಲೆಯಲ್ಲಿ ಹೆಚ್ಚಿನ ವ್ಯತ್ಯಾಸವಾಗಿಲ್ಲ.

ಮಾವಿನ ಹಣ್ಣಿನ ಬೆಲೆ ಕಡಿಮೆಯಾಗುವಂತೆ ಕಾಣುತ್ತಿಲ್ಲ. ರಸಪುರಿ ಕೆ.ಜಿ ₹100–120, ಬಾದಾಮಿ ಕೆ.ಜಿ ₹140–160, ಸೇಂದೂರ ಕೆ.ಜಿ ₹80, ಮಲಗೂಬ ಕೆ.ಜಿ ₹160–180, ಬೇನಿಷ ಕೆ.ಜಿ ₹80ಕ್ಕೆ ಮಾರಾಟವಾಗುತ್ತಿದೆ.

ಬೇಳೆ ದುಬಾರಿ: ಈವರೆಗೆ ಅಲ್ಪ ಪ್ರಮಾಣದಲ್ಲಿ ಏರಿಕೆ ಕಂಡು ನಿಯಂತ್ರಣದಲ್ಲಿ ಇದ್ದ ಬೇಳೆ ಕಾಳುಗಳ ಬೆಲೆ ಈ ವಾರ ಮತ್ತೆ ಹೆಚ್ಚಳವಾಗಿದೆ. ತೊಗರಿ ಬೇಳೆ ಕೆ.ಜಿ ₹120–135ಕ್ಕೆ, ಉದ್ದಿನ ಬೇಳೆ ಕೆ.ಜಿ ₹120–140ಕ್ಕೆ, ಅವರೆ ಕಾಳು ಕೆ.ಜಿ ₹135–140ಕ್ಕೆ ಜಿಗಿದಿದೆ. ಹುರುಳಿ ಕಾಳು, ಕಡಲೇ ಬೀಜ ಸಹ ಅಲ್ಪ ಏರಿಕೆಯಾಗಿದೆ. ಅಕ್ಕಿ ಧಾರಣೆಯೂ ಕೆ.ಜಿಗೆ ₹3ರಿಂದ 5 ಹೆಚ್ಚಳವಾಗಿದೆ.

ಅಡುಗೆ ಎಣ್ಣೆ ಅಗ್ಗ: ಬೇಳೆ ಕಾಳುಗಳು ದುಬಾರಿಯಾಗುತ್ತಿದ್ದರೆ, ಅಡುಗೆ ಎಣ್ಣೆ ಧಾರಣೆ ಅಲ್ಪ ಪ್ರಮಾಣದಲ್ಲಿ ಇಳಿಕೆಯಾಗಿದೆ. ಗೋಲ್ಡ್‌ ವಿನ್ನರ್ ಕೆ.ಜಿ ₹112, ಪಾಮಾಯಿಲ್ ಕೆ.ಜಿ ₹95, ಕಡಲೆಕಾಯಿ ಎಣ್ಣೆ ಕೆ.ಜಿ ₹157ಕ್ಕೆ ತಗ್ಗಿದೆ.

ಜೀರಿಗೆ, ಲವಂಗ ಏರಿಕೆ: ಕೆಲ ದಿನಗಳಿಂದ ಮಸಾಲೆ ಪದಾರ್ಥಗಳ ಧಾರಣೆ ಯಥಾಸ್ಥಿತಿ ಕಾಯ್ದುಕೊಂಡಿದ್ದರೆ, ಜೀರಿಗೆ, ಲವಂಗ ದುಬಾರಿಯಾಗಿದೆ. ಹುಣಸೆ ಹಣ್ಣು ದರ ಸಹ ಏರಿಕೆಯಾಗುತ್ತಿದೆ.

ಧನ್ಯ ಕೆ.ಜಿ ₹100–160, ಬ್ಯಾಡಗಿ ಮೆಣಸಿನಕಾಯಿ ಕೆ.ಜಿ ₹580–600, ಗೌರಿಬಿದನೂರು ಖಾರದ ಮೆಣಸಿನಕಾಯಿ ಕೆ.ಜಿ ₹260–270, ಹುಣಸೆಹಣ್ಣು ₹110–150, ಕರಿಮೆಣಸು ಕೆ.ಜಿ ₹500–580, ಜೀರಿಗೆ ಕೆ.ಜಿ ₹540–560, ಸಾಸಿವೆ ಕೆ.ಜಿ ₹80–85, ಮೆಂತ್ಯ ಕೆ.ಜಿ ₹90–95, ಚಕ್ಕೆ ಕೆ.ಜಿ ₹270–290, ಲವಂಗ ಕೆ.ಜಿ ₹850–880, ಗುಣಮಟ್ಟದ ಗಸಗಸೆ ಕೆ.ಜಿ ₹1,200–1350, ಬಾದಾಮಿ ಕೆ.ಜಿ ₹680–700, ಗೋಡಂಬಿ ಕೆ.ಜಿ ₹680–720, ದ್ರಾಕ್ಷಿ ಕೆ.ಜಿ ₹200–210ಕ್ಕೆ ಮಂಡಿಪೇಟೆ ಮಾರುಕಟ್ಟೆಯಲ್ಲಿ ಮಾರಾಟವಾಗುತ್ತಿದೆ.

ಕೋಳಿ ದರ ಹೆಚ್ಚಳ: ಕೋಳಿ ಮಾಂಸದ ಬೆಲೆ ಏರಿಕೆಯತ್ತಲೇ ಸಾಗಿದ್ದು, ಈ ವಾರವೂ ಹೆಚ್ಚಳವಾಗಿದೆ. ಬ್ರಾಯ್ಲರ್ ಕೋಳಿ ಕೆ.ಜಿ ₹140, ರೆಡಿ ಚಿಕನ್ ಕೆ.ಜಿ ₹220, ಸ್ಕಿನ್‌ಲೆಸ್ ಕೆ.ಜಿ ₹230, ಮೊಟ್ಟೆ ಕೋಳಿ (ಫಾರಂ) ಕೆ.ಜಿ ₹90ಕ್ಕೆ ಏರಿಕೆಯಾಗಿದೆ.

ಮೀನು ಮಾರಾಟ: ಬಂಗುಡೆ, ಬೂತಾಯಿ, ಕಪ್ಪುಮಾಂಜಿ, ಏಡಿ ಬೆಲೆ ಇಳಿಕೆಯಾಗಿದ್ದರೆ, ಅಂಜಲ್, ಬೊಳಿಂಜರ್, ಸೀಗಡಿ ದರ ದುಬಾರಿಯಾಗಿದೆ. ಬಂಗುಡೆ ಕೆ.ಜಿ ₹160, ಬೂತಾಯಿ ಕೆ.ಜಿ ₹140, ಅಂಜಲ್ ಕೆ.ಜಿ ₹1,150, ಬೊಳಿಂಜರ್ ₹270, ಬಿಳಿಮಾಂಜಿ ಕೆ.ಜಿ ₹1,500, ಕಪ್ಪುಮಾಂಜಿ ಕೆ.ಜಿ ₹870, ಸೀಗಡಿ ಕೆ.ಜಿ ₹650, ಏಡಿ ಕೆ.ಜಿ ₹370ಕ್ಕೆ ನಗರದ ಮತ್ಸ್ಯದರ್ಶಿನಿಯಲ್ಲಿ ಮಾರಾಟವಾಗುತ್ತಿದೆ.