ತಿಪಟೂರು: ಲಾಕ್ಡೌನ್ ನಡುವೆಯೂ ರಸ್ತೆಗಿಳಿದಿದ್ದ ಜನತೆಗೆ ಪೊಲೀಸರು ಬಿಸಿ ಮುಟ್ಟಿಸಿ, ರಸ್ತೆಗಿಳಿಯದಂತೆ ಎಚ್ಚರಿಕೆ ನೀಡಿದರು.
ನಗರದ ಎನ್ಎಚ್ 206ರ ಮೋರ್ ಅಂಗಡಿಯ ಮುಂಭಾಗ ಸೋಮವಾರ ಪೊಲೀಸರು ಬೆಳಗಿನಿಂದಲೇ ಅನಗತ್ಯವಾಗಿ ರಸ್ತೆಯಲ್ಲಿ ಓಡಾಡುತ್ತಿದ್ದ ವಾಹನ ಸವಾರರನ್ನು ತಡೆದು ನಿಲ್ಲಿಸಿ ಸಂಪೂರ್ಣ ವಿಚಾರಣೆ ನಡೆಸಿ ವಾಹನಗಳನ್ನು ವಶಕ್ಕೆ ಪಡೆದು ಸವಾರರನ್ನು ಬಿಸಿಲಿನಲ್ಲಿ ನಿಲ್ಲಿಸಿದ್ದರು.
ಇನ್ನೂ ಕೆಲವರು ಮಾಸ್ಕ್ ಧರಿಸದೆ ಬಂದವರಿಗೆ ಟವಲ್ ಅಥವಾ ಕರವಸ್ತ್ರದಿಂದಲೇ ಮಾಸ್ಕ್ ಮಾಡಿಕೊಳ್ಳುವಂತೆ ಮಾಡಿ ಎಚ್ಚರಿಕೆಯನ್ನು ನೀಡಿ ಕಳುಹಿಸಿದರು.
ಈ ವಿಷಯ ತಿಳಿದ ಸಾರ್ವಜನಿಕರು ಮಧ್ಯಾಹ್ನದ ವೇಳೆಗೆ ರಸ್ತೆಗೆ ಇಳಿಯುವುದನ್ನೇ ನಿಲ್ಲಿಸಿದರು. ರಸ್ತೆಗಳೆಲ್ಲವೂ ಖಾಲಿ- ಖಾಲಿ ಆಗಿದ್ದವು.