ಇಂಡಿ: ತಾಲ್ಲೂಕಿನ ಭತಗುಣಕಿ ಗ್ರಾಮದ ಮತಗಟ್ಟೆಯೊಂದರಲ್ಲಿ ಮತಪೆಟ್ಟಿಗೆಯ ತೊಂದರೆಯಿಂದ ಸುಮಾರು 1 ಗಂಟೆ 40 ನಿಮಿಷ ತಡವಾಗಿ ಮತದಾನ ಕಾರ್ಯ ಪ್ರಾರಂಭವಾಗಿದೆ. ಅದರಂತೆ ಪಟ್ಟಣದ ಕೆಬಿಎಂಪಿಎಸ್ ಶಾಲೆಯಲ್ಲಿರುವ ಮತಗಟ್ಟೆ, ತಾಲ್ಲೂಕಿನ ಬುಗುಟಗೇರಿ ಎಲ್.ಟಿ. ಯಲ್ಲಿ ಮತಪೆಟ್ಟಿಗೆಯ ತೊಂದರೆಯಿಂದ ಸುಮಾರು 30 ನಿಮಿಷಗಳ ಕಾಲ ತಡವಾಗಿ ಮತದಾನ ಪ್ರಾರಂಭವಾಗಿರುವುದನ್ನು ಬಿಟ್ಟರೆ ತಾಲ್ಲೂಕಿನ ಬಹುತೇಕ ಮತಗಟ್ಟೆಗಳಲ್ಲಿ ವೇಳೆಗನುಗುಣವಾಗಿ ಮತದಾನ ಪ್ರಾರಂಭವಾಗಿದೆ. ಎಲ್ಲಿಯೂ ಅಹಿತಕರ ಘಟನೆ ನಡೆದ ಬಗ್ಗೆ ವರದಿಯಾಗಿಲ್ಲ ಎಂದು ಚುನಾವಣಾ ಅಧಿಕಾರಿ ಡಾ.ಪಿ.ರಾಜ್ ತಿಳಿಸಿದ್ದಾರೆ.
