2010–11ನೇ ಸಾಲಿನಲ್ಲಿ ಸರ್ಕಾರವು ‘ಶಿಶು ಕೇಂದ್ರಿತ ಸಹಾಯಧನ ಯೋಜನೆ’ ಎನ್ನುವ ಅನುದಾನ ನೀತಿ ಜಾರಿಗೊಳಿಸಿತು. ವಿಶೇಷ ಶಿಕ್ಷಕರಿಗೆ ₹ 6,500 ಮತ್ತು ಇತರ ಸಿಬ್ಬಂದಿಗೆ ₹ 4,000 ದಿಂದ ₹ 5,000 ಗೌರವಧನ ನೀಡಲಾಗುತ್ತಿತ್ತು. 2013–14ರಲ್ಲಿ ವಿಶೇಷ ಶಿಕ್ಷಕರ ಗೌರವ ಧನವನ್ನು ₹ 13,500ಕ್ಕೆ ಹೆಚ್ಚಿಸಲಾಯಿತು. ಇತರ ಸಿಬ್ಬಂದಿಗೆ ₹ 8,000ದಿಂದ ₹ 9,000ಕ್ಕೆ ಗೌರವಧನ ಹೆಚ್ಚಿಸಲಾಯಿತು. ಆದರೆ, 2014ರಿಂದ ಇಲ್ಲಿಯವರೆಗೂ ವಿಶೇಷ ಶಿಕ್ಷಕರಿಗೆ ಮತ್ತು ಇತರ ಸಿಬ್ಬಂದಿಗೆ ನೀಡುತ್ತಿರುವ ಗೌರವಧನವನ್ನು ಹೆಚ್ಚಿಸಿಲ್ಲ ಎಂದು ಪ್ರತಿಭಟನಕಾರರು ದೂರಿದರು.