ಕಾರ್ತಿಕ ಮಾಸದಲ್ಲಿ ಮಾಂಸಾಹಾರ ಸ್ಥಗಿತಗೊಂಡಿದ್ದು, ಕಾರ್ತಿಕ ಮುಗಿದ ಸಮಯದಲ್ಲಿ ಚುನಾವಣೆ ಘೋಷಣೆಯಾದ ದಿನದಿಂದಲೇ ಕೋಳಿ ವ್ಯಾಪಾರ ಹೆಚ್ಚಾಗುತ್ತಿದ್ದು, ತಾಲ್ಲೂಕಿನಲ್ಲಿ 500 ಕೋಳಿ ಫಾರಂ ಸೇರಿದಂತೆ 2 ಸಾವಿರಕ್ಕೂ ಹೆಚ್ಚು ಕೋಳಿ ಅಂಗಡಿಗಳಿಗೆ ಬಿಡುವಿಲ್ಲದ ಕೆಲಸ ಎಂದು ಕೋಳಿ ವ್ಯಾಪಾರಿ ಕುಮಾರ್ ತಿಳಿಸಿದ್ದಾರೆ. ಕೆಲವೆಡೆಗಳಲ್ಲಿ ಮನೆ ಮನೆಗೆ ಬಿರಿಯಾನಿ ಪ್ಯಾಕೆಟ್ ಸರಬರಾಜಾಗಿದ್ದರೆ, ಮತ್ತೆ ಕೆಲವೆಡೆ ಕೋಳಿ ಮಾಂಸದ ಜತೆ ಒಂದು ಕೆ.ಜಿ. ಉಪ್ಪಿನ ಪ್ಯಾಕೆಟ್‌ಗಳನ್ನು ವಿತರಿಸುತ್ತಿರುವ ಅಭ್ಯರ್ಥಿ, ಉಪ್ಪನ ಋಣಕ್ಕಾಗಿಯಾದರೂ ಮತ ಹಾಕ್ಕುತ್ತಾರೆ ಎಂದು ಬೀಗುತ್ತಿದ್ದಾರೆ.
