ಕೋವಿಡ್–19 ಸಮಯದಲ್ಲಿ ಹಾಲು ಹಾಗೂ ಹಾಲಿನ ಉತ್ಪನ್ನಗಳು ಮಾರಾಟವಾಗದೆ ಒಕ್ಕೂಟ ನಷ್ಟದಲ್ಲಿತ್ತು. ಈಗ ಮಾರುಕಟ್ಟೆಯಲ್ಲಿ ಚೇತರಿಕೆ ಕಂಡು ಬಂದಿದ್ದು ಸುಮಾರು ₹9.50 ಕೋಟಿ ನಿವ್ವಳ ಲಾಭದಲ್ಲಿದೆ. ₹73.54 ಕೋಟಿ ಮೊತ್ತದ ಬೆಣ್ಣೆ, ಹಾಲಿನ ಪುಡಿ ದಾಸ್ತಾನು ಇದ್ದು, ಲಾಭದ ಪ್ರಮಾಣ ಹೆಚ್ಚಾಗಬಹುದು. ಒಕ್ಕೂಟ ಲಾಭದತ್ತ ಹೆಜ್ಜೆ ಹಾಕಿದ್ದು, ಅದರಲ್ಲಿ ಕೆಲ ಭಾಗವನ್ನು ರೈತರಿಗೆ ವರ್ಗಾಯಿಸುವ ಸಲುವಾಗಿ ಹಾಲು ಖರೀದಿ ದರ ಹೆಚ್ಚಿಸಲಾಗಿದೆ. ಇದು ಕೋಲಾರ ಒಕ್ಕೂಟ ನೀಡುತ್ತಿರುವ ದರಕ್ಕೆ ಸಮನಾಗಿದ್ದು, ಇತರ ಒಕ್ಕೂಟಗಳಿಗಿಂತ ಹೆಚ್ಚಿನ ದರ ನೀಡಿದಂತಾಗಿದೆ ಎಂದು ವಿವರಿಸಿದರು.
