ತುರುವೇಕೆರೆ: ಗುಡ್ಡೆ ಬಾಡು, ಮೀನಿಗೆ ಬೇಡಿಕೆ

ತುರುವೇಕೆರೆ: ಯುಗಾದಿ ವರ್ಷತೊಡಕು ಪ್ರಯುಕ್ತ ತಾಲ್ಲೂಕಿನಾದ್ಯಂತ ಮಾಂಸ, ಮೀನು, ಕೋಳಿ ಖರೀದಿಸಲು ಶುಕ್ರವಾರ ಜನರು ಮುಗಿಬಿದ್ದರು.

. ಪಟ್ಟಣದ ದಬ್ಬೇಘಟ್ಟ, ಮಾಯಸಂದ್ರ, ತಿಪಟೂರು ಮತ್ತು ಬಾಣಸಂದ್ರ ರಸ್ತೆಯ ಕೋಳಿ, ಟಗರು, ಹೋತದ ಮಾಂಸದಂಗಡಿ ಮುಂದೆ ಜನರು ಮುಂಜಾನೆಯಿಂದಲೇ ದೂರದ ಹಳ್ಳಿಗಳಿಂದ ಮಾಂಸ ಖರೀದಿಸಲು ಬಂದಿದ್ದರು. ಬಿಸಿಲಿನ ತಾಪ ಹೆಚ್ಚಾದಂತೆ ಅಂಗಡಿ ಮಾಲೀಕರು ಗ್ರಾಹಕರಿಗೆ ಶಾಮಿಯಾನ ವ್ಯವಸ್ಥೆ ಕೂಡ ಮಾಡಿಸಿದರು.

. ತಾಲ್ಲೂಕಿನ ದಂಡಿನಶಿವರ, ಕುರುಬರಹಳ್ಳಿ ಬ್ಯಾಲಾ, ಬಾಣಸಂದ್ರ, ಸುಂಕಲಾಪುರ, ದಬ್ಬೇಘಟ್ಟ, ಕೊಂಡಜ್ಜಿ, ಮುನಿಯೂರು, ದೊಡ್ಡಾಘಟ್ಟ, ಕಣತೂರು, ಶೆಟ್ಟಿಗೊಂಡನಹಳ್ಳಿ, ವಿವೇಕಾನಂದ ನಗರ, ಗೋರಾಘಟ್ಟ, ಮಾಯಸಂದ್ರ, ಕಸಬಾ ಮತ್ತು ದಬ್ಬೇಘಟ್ಟ ವ್ಯಾಪ್ತಿಯ ಗ್ರಾಮಗಳಲ್ಲಿ ಗುಡ್ಡೆ ಬಾಡಿಗೆ ಭಾರಿ ಬೇಡಿಕೆ ಇತ್ತು.

. ಕೆಲ ವ್ಯಾಪಾರಿಗಳು ಫಾರ್ಮ್ಹೌಸ್ ಮತ್ತು ರೈತರು ಸಾಕಿದ ಹೋತ ಮತ್ತು ಟಗರುಗಳನ್ನು ತಂದು ಕೆ.ಜಿಗೆ ₹650ರಿಂದ ₹800 ರವರೆಗೆ ಮಾರಾಟ ಮಾಡಿದರು. ಅಂಗಡಿ ಮಾಂಸಕ್ಕಿಂತ ಗುಡ್ಡೇ ಬಾಡಿಗೆ ಜನರು ಹೆಚ್ಚಿನ ಆಸಕ್ತಿ ತೋರಿದರು. ಗ್ರಾಹಕರು ಮಧ್ಯಾಹ್ನದವರೆಗೂ ಮಾಂಸ ಖರೀದಿಯಲ್ಲೇ ನಿರತರಾಗಿದ್ದರು.

. ಪಟ್ಟಣದ ಕೆರೆಕೋಡಿ ಬಳಿಯ ಮೀನಿನ ಅಂಗಡಿ ಮುಂದೆ ಮುಂಜಾನೆಯಿಂದಲೇ ಜನರು ಜಮಾಮಿಸಿದ್ದರು. ಏಡಿ, ಜಿಲೇಬಿ, ಕಾಟ್ಲಾ, ರೋಹು ಮೀನಿಗಾಗಿ 150–ಎ ರಾಷ್ಟ್ರೀಯ ಹೆದ್ದಾರಿವರೆಗೆ ಸರದಿಯಲ್ಲಿ ನಿಂತಿದ್ದರು. ಮೀನಿನ ಬೆಲೆ ಹೆಚ್ಚಿದ್ದರೂ ಜನರ ಖರೀದಿ ಉತ್ಸಾಹಕ್ಕೆ ಕೊರತೆ ಇರಲಿಲ್ಲ.

. ಬಹುಪಾಲು ಗ್ರಾಮಗಳಲ್ಲಿ ಒಂದಿಷ್ಟು ಜನರು ಸೇರಿಕೊಂಡು ವರ್ಷಕ್ಕೊಂದು ಚೀಟಿ ಹಾಕಿ ಅದರಿಂದ ಬಂದ ಹಣದಿಂದ ಯುಗಾದಿ ವರ್ಷತೊಡಕಿನಂದು ಗುಡ್ಡೇಬಾಡು ಮಾಡಿಕೊಂಡು ಹಂಚಿಕೊಂಡರು. ಬಾಗೇವಾಡಿ ಮತ್ತು ಮಹಾರಾಷ್ಟ್ರದಿಂದ ತಂದ ಆಡಿನ ಮಾಂಸಕ್ಕೆ ಬೇಡಿಕೆ ಇರಲಿಲ್ಲ ಎಂದು ಗ್ರಾಹಕರೊಬ್ಬರು ತಿಳಿಸಿದರು.

. ಪಟ್ಟಣದ ಪ್ರತಿ ಮಾಂಸ ಮತ್ತು ಕೋಳಿಯ ಅಂಗಡಿ ಬಳಿ ರೈತರು, ವ್ಯಾಪಾರಿಗಳು ಕೊತ್ತಂಬರಿ, ಪುದಿನಿ, ಶುಂಠಿ, ನಿಂಬೆ ಹಣ್ಣು ಇಟ್ಟು ವ್ಯಾಪಾರ ಮಾಡಿದರು. ಮೂರು ಸೌತೆಕಾಯಿಗೆ ₹50ರಿಂದ ₹60 ದರ ಇದ್ದರೆ, ಎರಡು ನಿಂಬೆ ಹಣ್ಣಿಗೆ ₹20 ರೂಪಾಯಿ ಬೆಲೆ ಇತ್ತು. ಮುತ್ತಗದ ಎಲೆ, ಅಡಿಕೆ ತಟ್ಟೆ, ಲೋಟ, ಮೊಸರಿಗೆ ಹೆಚ್ಚಿನ ಪ್ರಮಾಣದಲ್ಲಿ ಬೇಡಿಕೆ ಇತ್ತು.

. ‘ತಾಲ್ಲೂಕಿನ ಹಲವು ಹಳ್ಳಿಗಳಿಂದ ಗ್ರಾಹಕರು ಐದು, ಹತ್ತು ಕೆ.ಜಿ ಟಗರು, ಹೋತದ ಮಾಂಸ ನೀಡುವಂತೆ ಮುಂಗಡವಾಗಿ ತಿಳಿಸಿದ್ದರು. ಈ ಬಾರಿ 17 ಟಗರು, 19ಕ್ಕೂ ಹೆಚ್ಚು ಹೋತಗಳ ಮಾಂಸ ಮಾರಾಟವಾಯಿತು’ ಎಂದು ಮಾಷಾಲ್ಲ ಅಂಗಡಿ ವ್ಯಾಪಾರಿ ಇರ್ಫಾನ್ ‘ಪ್ರಜಾವಾಣಿ’ಗೆ ಪ್ರತಿಕ್ರಿಯಿಸಿದರು.

. ಮೂಲತಃ ಪ್ರಜಾವಾಣಿ ಮುದ್ರಣ ಆವೃತ್ತಿಯಿಂದ ಇದನ್ನು ಪಡೆಯಲಾಗಿದೆ. ಎಐ ನೆರವಿನ ವರ್ಗೀಕರಣದಿಂದಾಗಿ ವಿಭಾಗ ಮತ್ತು ಬಳಸಿರುವ ಪ್ರಾತಿನಿಧಿಕ ಚಿತ್ರ ತಪ್ಪಾಗಿರಬಹುದು. ಸುದ್ದಿಯ ವಿಷಯದಲ್ಲಿ ಯಾವುದೇ ಬದಲಾವಣೆ ಇಲ್ಲ 260321-17-1035488583

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ತುರುವೇಕೆರೆ: ಗುಡ್ಡೆ ಬಾಡು, ಮೀನಿಗೆ ಬೇಡಿಕೆ

80 ವರ್ಷ ಹಳೆಯ ಸೀರೆಗಳ ಉಡುಪು: ‘ಕಾನ್’ ಅಂಗಳದಲ್ಲಿ ಕನ್ನಡತಿ ದಿಶಾ ಮದನ್ ಜಾದೂ!

ಕೊಹ್ಲಿ, ವೆಂಕಿ ಅರ್ಧಶತಕ: ಪಂಜಾಬ್‌ ವಿರುದ್ಧ ಗೆದ್ದು ಪ್ಲೇ–ಆಫ್‌ಗೇರಿದ ಆರ್‌ಸಿಬಿ

ಚಿನಕುರುಳಿ ಕಾರ್ಟೂನ್: ಮೇ 17 ಭಾನುವಾರ 2026

ಒಂದೇ ಮರದಲ್ಲಿ ಹದಿನಾಲ್ಕು ತಳಿಯ ಮಾವು ಬೆಳೆದು ಬೆರಗು ಮೂಡಿಸಿದ ರೈತ

ಅಯ್ಯರ್ ಭರಾಟೆಗೆ ಮಣಿದ ಶ್ರೇಯಸ್ ಪಡೆ: ಪ್ಲೇ ಆಫ್‌ ಪ್ರವೇಶಿಸಿದ ಆರ್‌ಸಿಬಿ

RR vs DC | ಸ್ಟಾರ್ಕ್ ಮಿಂಚು: ಡೆಲ್ಲಿಗೆ ಜಯ

KKR vs GT | ಬಿಟ್ಟ ಕ್ಯಾಚ್‌ಗಳು ಸೋಲಿಗೆ ಕಾರಣ: ಪಾರ್ಥಿವ್ ಪಟೇಲ್

IPL| ಸೂರ್ಯವಂಶಿ ಸ್ಪೋಟಕ ಆಟ; ಪರಾಗ್, ಜುರೆಲ್ ಅರ್ಧಶತಕ: ಡೆಲ್ಲಿಗೆ 194 ರನ್ ಗುರಿ

ಒಳನೋಟ: ಆಮೆಗತಿಯಲ್ಲಿ ಸಾಗುವ ‘ಸರ್ವೆ’

ಒಳನೋಟ: ಭೂದಾಹಕ್ಕೆ ಕೆರೆಯಂಗಳ ಆಪೋಶನ

ಒಳನೋಟ | ಗೋವಾದಂತೆ ಮಂಗಳೂರು ಬೀಚ್‌ ಪ್ರವಾಸೋದ್ಯಮಕ್ಕೂ ʼಜೀವʼ ತುಂಬಬೇಕಿದೆ..

ಒಳನೋಟ: ಬೇಕು ತಾಲ್ಲೂಕು ಆಸ್ಪತ್ರೆಗೆ ‘ಚಿಕಿತ್ಸೆ’

80 ವರ್ಷ ಹಳೆಯ ಸೀರೆಗಳ ಉಡುಪು: ‘ಕಾನ್’ ಅಂಗಳದಲ್ಲಿ ಕನ್ನಡತಿ ದಿಶಾ ಮದನ್ ಜಾದೂ!

ಕೊಹ್ಲಿ, ವೆಂಕಿ ಅರ್ಧಶತಕ: ಪಂಜಾಬ್‌ ವಿರುದ್ಧ ಗೆದ್ದು ಪ್ಲೇ–ಆಫ್‌ಗೇರಿದ ಆರ್‌ಸಿಬಿ

ಚಿನಕುರುಳಿ ಕಾರ್ಟೂನ್: ಮೇ 17 ಭಾನುವಾರ 2026

ಒಂದೇ ಮರದಲ್ಲಿ ಹದಿನಾಲ್ಕು ತಳಿಯ ಮಾವು ಬೆಳೆದು ಬೆರಗು ಮೂಡಿಸಿದ ರೈತ