ಗುರುವಾರ, 28 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ಮೊಣ್ಣಂಡ, ಕಾಂಡೆರ ತಂಡಕ್ಕೆ ಭರ್ಜರಿ ಜಯ

Last Updated 18 ಏಪ್ರಿಲ್ 2018, 19:30 IST
ಅಕ್ಷರ ಗಾತ್ರ

ಮಡಿಕೇರಿ: ನಾಪೋಕ್ಲು ಜನರಲ್ ಕೆ.ಎಸ್. ತಿಮ್ಮಯ್ಯ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಕೊಡವ ಕುಟುಂಬಗಳ ಕುಲ್ಲೇಟಿರ ಹಾಕಿ ಉತ್ಸವದ ಮೂರನೇ ದಿನವಾದ ಬುಧವಾರ ನಿಡುಮಂಡ ತಂಡದ ವಿರುದ್ಧ ಮೊಣ್ಣಂಡ ತಂಡವು 4–0 ಅಂತರದಲ್ಲಿ ಜಯಿಸಿತು. ಮೊಣ್ಣಂಡ ಪರ ನಿತಿನ್ ಮೂರು, ತಶಮೈ ಒಂದು ಗೋಲು ಗಳಿಸಿ ತಂಡದ ಜಯಕ್ಕೆ ನೆರವಾದರು.

ಮಲ್ಲಂಗಡ ತಂಡವು ಕುಂದಿರ ತಂಡವನ್ನು 4– 0 ಅಂತರದಲ್ಲಿ, ಬಟ್ಟೀರ ತಂಡವು ಮಲ್ಲೇಂಗಡ ತಂಡವನ್ನು 1– 0 ಅಂತರದಲ್ಲಿ ಮಣಿಸಲು ಯಶಸ್ವಿಯಾಯಿತು. ಕರವಂಡ ತಂಡವು ನಂಬಡಮಂಡ ವಿರುದ್ಧವೂ, ಕೇಳಪ್ಪಂಡ ತಂಡವು ಪುಲ್ಲೇರ ತಂಡ ವಿರುದ್ಧವೂ ಜಯ ಸಾಧಿಸಿದವು.

ತೀತಿಮಡ ತಂಡವು ಮುಂಡಂಡ ತಂಡವನ್ನು 3– 0 ಅಂತರದಿಂದ ಪರಾಭವಗೊಳಿಸಿತು. ತೀತಿಮಡ ಪರ ಪ್ರಜ್ವಲ್ ಬೋಪಯ್ಯ ಎರಡು, ಸುಶಾನ್ ಬಿದ್ದಪ್ಪ ಒಂದು ಗೋಲು ದಾಖಲಿಸಿದರು. ತಿರೋಡಿರ ತಂಡವು ಜಬ್ಬಂಡವನ್ನು 3– 0 ಅಂತರದಲ್ಲಿ ಸೋಲಿಸಿತು.

ಕಾಂಡೆರ ತಂಡವು ಪಟ್ರಂಗಡ ತಂಡವನ್ನು 6– 0 ಅಂತರದಲ್ಲಿ ಸೋಲಿಸಿತು. ಕಾಂಡೆರ ಪರ ರೋಹನ್ ತಿಮ್ಮಯ್ಯ ಎರಡು, ರಜತ್, ದೀಕ್ಷಿತ್, ಸಜನ್, ಬಾದಲ್ ತಲಾ ಒಂದೊಂದು ಗೋಲು ಗಳಿಸಿ ತಂಡದ ಗೆಲುವಿಗೆ ಕಾಣಿಕೆ ನೀಡಿದರು.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT