ಯುವ ಬರಹಗಾರರಿಂದ ಸಮಾಜದ ಏಳಿಗೆ

7
ಬಸವೇಶ್ವರ ಕಾಲೇಜಿನಲ್ಲಿ ನಡೆದ ಯುವ ಕವಿಗೋಷ್ಠಿ ಕಾರ್ಯಕ್ರಮದಲ್ಲಿ ಶಿಲ್ಪಾ ಅಭಿಪ್ರಾಯ

ಯುವ ಬರಹಗಾರರಿಂದ ಸಮಾಜದ ಏಳಿಗೆ

Published:
Updated:
Deccan Herald

ತುಮಕೂರು: ಕನ್ನಡ ನಾಡಿನಲ್ಲಿ ತುಮಕೂರು ಅತ್ಯಂತ ಸಾಂಸ್ಕೃತಿಕ ಮತ್ತು ಶೈಕ್ಷಣಿಕ ಹಿರಿಮೆಯನ್ನು ಹೊಂದಿದ್ದು, ಮತ್ತಷ್ಟು ಉತ್ಕೃಷ್ಟಗೊಳ್ಳುವ ನಿಟ್ಟಿನಲ್ಲಿ ಯುವ ಬರಹಗಾರರು ಸನ್ನದ್ಧರಾಗಬೇಕು ಎಂದು ಯುವ ಕವಯತ್ರಿ ಶಿಲ್ಪಾ ಅವರು ತಿಳಿಸಿದರು.

ನಗರದ ಬಸವೇಶ್ವರ ಕಾಲೇಜಿನಲ್ಲಿ ರಾಜ್ಯ ಯುವ ಬರಹಗಾರರ ಒಕ್ಕೂಟ ಜಿಲ್ಲಾ ಘಟಕದ ವತಿಯಿಂದ ಏರ್ಪಡಿಸಿದ್ದ ಯುವ ಕವಿಗೋಷ್ಠಿ ಕಾರ್ಯಕ್ರಮವನ್ನು ಉದ್ಘಾಟಿಸಿ ಮಾತನಾಡಿದ ಅವರು ಯುವ ಬರಹಗಾರರಿಂದ ಸಮಾಜದ ಅಭಿವೃದ್ಧಿ ಸಾಧ್ಯ ಎಂದು ಹೇಳಿದರು.

ಒಕ್ಕೂಟದ ಜಿಲ್ಲಾ ಘಟಕ ಅಧ್ಯಕ್ಷ ಸಿ.ನರಸಿಂಹರಾಜು ಮಾತನಾಡಿ, ’ರಾಜ್ಯದ ಎಲ್ಲಾ ಜಿಲ್ಲೆಗಳಲ್ಲಿ ಯುವ ಬರಹಗಾರರ ಒಕ್ಕೂಟ ಸಕ್ರಿಯವಾಗಿ ಸಾಹಿತ್ಯ ಮತ್ತು ಸಂಸ್ಕೃತಿ ಸಂರಕ್ಷಣೆ ಕಾರ್ಯದಲ್ಲಿ ತೊಡಗಿಕೊಂಡಿದ್ದು, ಮಹಿಳೆಯರು ಮತ್ತು ಯುವ ಕವಿಗಳ ಪ್ರೇರಣೆಗೆ ಶ್ರಮಿಸುತ್ತಿರುವುದು ಶ್ಲಾಘನೀಯ’ ಎಂದು ಆಶಯ ವ್ಯಕ್ತಪಡಿಸಿದರು.

ಲೇಖಕ ಬಿ.ಎಸ್.ಸಚಿನ್ ಮಾತನಾಡಿ, ‘ಇಂದು ಯುವ ಸಮುದಾಯವು ಆಧುನಿಕ ಎಲೆಕ್ಟ್ರಾನಿಕ್ ಸಾಧನೆಗಳ ಬಳಕೆಯಿಂದ ಓದುವ ಮತ್ತು ಬರೆಯುವ ಆಸಕ್ತಿ ಕಳೆದು ಕೊಂಡಿದ್ದಾರೆ. ಜೊತೆಗೆ ಯುವ ಮಾನವ ಸಂಪನ್ಮೂಲ ಜವಬ್ದಾರಿಗಳನ್ನು ಮರೆತು ನಿರುದ್ಯೋಗಿಗಳಾಗುತ್ತಿದ್ದಾರೆ. ಹಾಗಾಗಿ ಯುವ ಜನರು ಎಚ್ಚೆತ್ತುಕೊಳ್ಳಬೇಕು’ ಎಂದು ಸಲಹೆ ನೀಡಿದರು.

ಯುವ ಕವಿಗಳಾದ ಗೋವಿಂದರಾಜು, ಮಂಜುನಾಥ್, ಅನುಷಾ ಅವರು ಕವನ ವಾಚಿಸಿದರು.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !