ಕೋಟ (ಬ್ರಹ್ಮಾವರ): ಕೋಡಿ ಮೀನು ಗಾರ ಪ್ರಾಥಮಿಕ ಸಹಕಾರಿ ಸಂಘದ ವಾರ್ಷಿಕ ಮಹಾಸಭೆ ಕೋಡಿ ಕನ್ಯಾಣದ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ ನಡೆಯಿತು. ಸಂಘದ ಅಧ್ಯಕ್ಷ ಅಶೋಕ್ ತಿಂಗಳಾಯ ಅಧ್ಯಕ್ಷತೆ ವಹಿಸಿ ಸಂಘವು ವರದಿ ವರ್ಷದಲ್ಲಿ ಅಭಿವೃದ್ಧಿ ಸಾಧಿಸಿ, ₹ 4 ಕೋಟಿಗೂ ಅಧಿಕ ವ್ಯವಹಾರ ಬಂಡವಾಳ ಹೊಂದಲು ಸಾಧ್ಯವಾಗಿದೆ. ಸದಸ್ಯರಿಗೆ ₹ 3 ಕೋಟಿಗೂ ಮಿಕ್ಕಿ ಸಾಲವನ್ನು ನೀಡಿದೆ, ಒಟ್ಟು ₹ 7 ಕೋಟಿ ವ್ಯವಹಾರವನ್ನು ನಡೆಸಿ ವರದಿ ವರ್ಷದಲ್ಲಿ ₹ 7,74,692 ನಿವ್ವಳಲಾಭ ಗಳಿಸಿದ್ದು, ಶೇ. 8 ಡಿವಿಡೆಂಡ್ ಘೋಷಿಸಲಾಗಿದೆ ಎಂದರು.
