ಉಡುಪಿಯಲ್ಲಿ ಕಂಡಿದ್ದು ಹಾರುಬೂದಿಯಲ್ಲ: ಸ್ಪಷ್ಟನೆ

7

ಉಡುಪಿಯಲ್ಲಿ ಕಂಡಿದ್ದು ಹಾರುಬೂದಿಯಲ್ಲ: ಸ್ಪಷ್ಟನೆ

Published:
Updated:
Deccan Herald

ಉಡುಪಿ: ಶುಕ್ರವಾರ ಉಡುಪಿ ನಗರದಲ್ಲಿ ಹಾರುಬೂದಿಯಂತಹ ವಸ್ತು ವಾಹನಗಳ ಮೇಲ್ಮೈನಲ್ಲಿ ಬಿದ್ದಿರುವುದು ಗಮನಕ್ಕೆ ಬಂದಿದೆ. ಯುಪಿಸಿಎಲ್‌ ಘಟಕ ಹಲವು ದಿನಗಳಿಂದ ಕಾರ್ಯ ನಿರ್ವಹಿಸುತ್ತಿಲ್ಲ. ಹಾರುಬೂದಿ ಹೊರಬರಲು ಹೇಗೆ ಸಾಧ್ಯ ಎಂದು ಯುಪಿಸಿಎಲ್‌ ಜಂಟಿ ನಿರ್ದೇಶಕ ಕಿಶೋರ್ ಆಳ್ವ ಪ್ರಶ್ನಿಸಿದ್ದಾರೆ.

ಮಾಧ್ಯಮಗಳಲ್ಲಿ ಹಾಗೂ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡಿದ ಸುದ್ದಿಯಲ್ಲಿ ಕಂಪೆನಿಯ ವಿರುದ್ಧ ಆರೋಪ ಮಾಡಿರುವುದು ಸರಿಯಲ್ಲ. ರಾಜ್ಯದ ಜಲಾಶಯಗಳು ತುಂಬಿದ್ದು, ವಿದ್ಯುತ್‌ಗೆ ಬೇಡಿಕೆ ಕಡಿಮೆಯಾಗಿರುವ ಹಿನ್ನೆಲೆಯಲ್ಲಿ ತಾತ್ಕಾಲಿಕವಾಗಿ ಕಾರ್ಯ ಸ್ಥಗಿತಗೊಳಿಸಲಾಗಿದೆ. ಹೀಗಿರುವಾಗ ಹಾರುಬೂದಿ ಪ್ರಶ್ನೆಯೇ ಉದ್ಭವಿಸುವುದಿಲ್ಲ ಎಂದು ಅವರು ತಿಳಿಸಿದ್ದಾರೆ.

ಕಂಪೆನಿಯ ಘಟಕದಲ್ಲಿ ವಿದ್ಯುತ್ ತಯಾರಿಕೆಗೆ ಉತ್ಕೃಷ್ಠ ಗುಣಮಟ್ಟದ ಕಲ್ಲಿದ್ದಲ್ಲನ್ನು ಬಳಸಿಕೊಳ್ಳಲಾಗುತ್ತದೆ. ಇದರಿಂದ ಹಾರುಬೂದಿ ಹೊರಬರುವುದಿಲ್ಲ. ಜತೆಗೆ, 10 ವರ್ಷಗಳಿಂದ ಇರದ ಸಮಸ್ಯೆ ಈಗ ಉದ್ಭವಿಸಲು ಹೇಗೆ ಸಾಧ್ಯ. ನನ್ನ ಕುಟುಂಬ ಕೂಡ ಕಂಪೆನಿಯ ಆವರಣದಲ್ಲೇ ವಾಸ ಮಾಡುತ್ತಿದೆ. ನಮಗೆ ಯಾವ ಸಮಸ್ಯೆಗಳು ಆಗಿಲ್ಲ ಎಂದು ಕಿಶೋರ್ ಆಳ್ವ ಸ್ಪಷ್ಟಪಡಿಸಿದರು.

ಈ ಬಗ್ಗೆ ಪ್ರತಿಕ್ರಿಯೆ ನೀಡಲು ಪರಿಸರ ಇಲಾಖೆ ಅಧಿಕಾರಿಗಳನ್ನು ಸಂಪರ್ಕಿಸಿದರೂ ಕರೆ ಸ್ವೀಕರಿಸಲಿಲ್ಲ.

ಘಟನೆ ಹಿನ್ನೆಲೆ:

ಶುಕ್ರವಾರ ಮಧ್ಯಾಹ್ನ ಇದ್ದಕ್ಕಿದ್ದಂತೆ ಉಡುಪಿ ನಗರದಲ್ಲಿ ಕಾರು ಹಾಗೂ ಬೈಕ್‌ ಸೇರಿದಂತೆ ಎಲ್ಲ ವಾಹನಗಳ ಮೇಲ್ಮೈನಲ್ಲಿ ಕಂದುಬಣ್ಣದ ಬೂದಿಯಂತಹ ವಸ್ತು ಬಿದ್ದಿತ್ತು. ಅಲ್ಲಲ್ಲಿ ಚದುರಿದಂತ ಗುರುತುಗಳು ವಾಹನಗಳ ಮೇಲೆ ಕಂಡುಬಂದಿತ್ತು. ಈ ದೃಶ್ಯವನ್ನು ಕಂಡು ಸಾರ್ವಜನಿಕರು ಆತಂಕಗೊಂಡಿದ್ದರು.

ಕೆಲವರು ಈ ದೃಶ್ಯವನ್ನು ಫೋಟೊ ತೆಗೆದು ಫೇಸ್‌ಬುಕ್‌, ವಾಟ್ಸ್‌ ಆ್ಯಪ್‌ಗಳಲ್ಲಿ ಹಂಚಿಕೊಂಡಿದ್ದರು. ಹಾರುಬೂದಿಗೆ ಕಾರಣ ಏನಿರಬಹುದು ಎಂಬ ಬಗ್ಗೆ ಸಾಮಾಜಿಕ ಜಾಲತಾಣಗಳಲ್ಲಿ ಸಾಕಷ್ಟು ಚರ್ಚೆಯಾಗಿತ್ತು.

Tags: 

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !