ಬ್ರಹ್ಮಾವರ: ಹಲಸು, ಹಣ್ಣು ಮೇಳಕ್ಕೆ ಚಾಲನೆ

ಬ್ರಹ್ಮಾವರ : ಇಲ್ಲಿನ ಎಸ್.ಎಂ.ಎಸ್ ಸಮುದಾಯ ಭವನದಲ್ಲಿ ಬ್ರಹ್ಮಾವರ ರೋಟರಿ ಕ್ಲಬ್, ಬಾರ್ಕೂರು ರೋಟರಿ ಕ್ಲಬ್, ಶಿವಮೊಗ್ಗ ಕೆಳದಿ ಶಿವಪ್ಪ ನಾಯಕ ಕೃಷಿ ಮತ್ತು ತೋಟಗಾರಿಕೆ ವಿಜ್ಞಾನಗಳ ವಿಶ್ವವಿದ್ಯಾಲಯ, ಬ್ರಹ್ಮಾವರ ಐಸಿಎಆರ್ ಕೃಷಿ ವಿಜ್ಞಾನ ಕೇಂದ್ರ, ವಲಯ ಕೃಷಿ ಮತ್ತು ತೋಟಗಾರಿಕೆ ಸಂಶೋಧನಾ ಕೇಂದ್ರ, ಡಿಪ್ಲೊಮ ಕೃಷಿ ಮಹಾವಿದ್ಯಾಲಯದ ಸಹಯೋಗದಲ್ಲಿ 3 ದಿನ ನಡೆಯುವ ಹಲಸು ಮತ್ತು ಹಣ್ಣು ಮೇಳಕ್ಕೆ ಶುಕ್ರವಾರ ಚಾಲನೆ ನೀಡಲಾಯಿತು.

. ಮೇಳದಲ್ಲಿ ವಿವಿಧ ರೀತಿಯ ಹಣ್ಣುಗಳು, ಬಯಲು ಸೀಮೆಯ ಅತ್ಯಂತ ಸಿಹಿ ಮಾವು, ಕೆಂಪು ಹಲಸು ಹಣ್ಣಿನ ಉತ್ಪನ್ನಗಳು, ಹಣ್ಣಿನ ಖಾದ್ಯಗಳು, ಬಗೆ ಬಗೆ ಹಣ್ಣಿನ ಐಸ್ಕ್ರೀಮ್, ಹಲಸಿನ ಹೋಳಿಗೆ, ವಿವಿಧ ಹಣ್ಣಿನ ಗಿಡಗಳು, ತರಕಾರಿ ಬೀಜಗಳು, ಆಯುರ್ವೇದಿಕ್, ಗೃಹ ತಯಾರಿಕೆಯ ವಸ್ತುಗಳ ನೂರಾರು ಮಳಿಗೆಗಳು ಜನರ ಗಮನ ಸೆಳೆಯುತ್ತಿವೆ.

. ಹಲಸಿನ ಕಾಯಿಯ ಬಿಸಿ ಬಿಸಿ ಕಬಾಬ್, ಗೋಭಿ, ಹಣ್ಣಿನ ಜಿಲೇಬಿ, ಜಾಂ, ಚಿಪ್ಸ್, ಹಪ್ಪಳ, ಬಿಸಿ ಬಿಸಿ ಕಡುಬು, ಮಂಗಳೂರಿನ ಮೂಡುಶೆಡ್ಡೆಯ ಶೋಭಿತ್ ಅವರ ಹಲಸಿನ ಹೋಳಿಗೆ ಖರೀದಿ ಜೋರಿತ್ತು. ಶನಿವಾರ (ಮೇ 31), ಭಾನುವಾರವೂ (ಜೂನ್ 1) ಮೇಳ ನಡೆಯಲಿದೆ.

. ಚಾಲನೆ: ರೋಟರಿಯ ದೇವಾನಂದ್ ಅವರು ಮೇಲಕ್ಕೆ ಚಾಲನೆ ನೀಡಿದರು. ಬ್ರಹ್ಮಾವರ ರೋಟರಿ ಕ್ಲಬ್ ಅಧ್ಯಕ್ಷ ಆರೂರು ಶ್ರೀಧರ ವಿ. ಶೆಟ್ಟಿ, ಡಾ.ಎ.ಬಿ.ಪಾಟೀಲ, ಭುವನೇಶ್ವರಿ, ನಿತ್ಯಾನಂದ ಬಿ.ಆರ್, ಫಾ.ಎಂ.ಸಿ. ಮಥಾಯ, ಡಾ.ಸುಧೀರ್ ಕಾಮತ್ ಕೆ.ವಿ, ಎಂ. ರಾಘವೇಂದ್ರ ಸಾಮಗ, ರಾಜಾರಾಮ ಶೆಟ್ಟಿ, ಬಾರ್ಕೂರು ರೋರಿ ಕ್ಲಬ್ ಅಧ್ಯಕ್ಷ ಗಣೇಶ ಶೆಟ್ಟಿ, ದಿನೇಶ ಬಾಯರಿ, ಶಂಕರ ಸುವರ್ಣ, ಹಂದಾಡಿ ಗ್ರಾ.ಪಂ. ಮಾಜಿ ಅಧ್ಯಕ್ಷ ಉದಯ ಪೂಜಾರಿ, ಆಲ್ವಿನ್ ಅಂದ್ರಾದೆ, ದಿನೇಶ ನಾಯರಿ ಭಾಗವಹಿಸಿದ್ದರು.