ಉಡುಪಿ: ಮ್ಯೂಚುವಲ್ ಫಂಡ್ ಟ್ರೇಡಿಂಗ್‌ನಲ್ಲಿ ಹಣ ಹೂಡಿಕೆ ಮಾಡಿದರೆ ದ್ವಿಗುಣ ಮಾಡಿಕೊಡುವುದಾಗಿ ನಂಬಿಸಿದ ವಂಚಕರು ವ್ಯಕ್ತಿಯೊಬ್ಬರಿಂದ ₹ 78,500 ಪಡೆದು ಮೋಸ ಮಾಡಿದ್ದಾರೆ.
ಅನುಷ್‌ ರವಿಶಂಕರ್‌ ವಂಚನೆಗೊಳಗಾದವರು. ಈಚೆಗೆ ಕರೆ ಮಾಡಿದವಂಚಕರು ಮ್ಯೂಚುವಲ್ ಫಂಡ್ ಟ್ರೇಡಿಂಗ್ ಬಗ್ಗೆ ತಿಳಿಸಿ, ಹಣ ದ್ವಿಗುಣದ ಆಸೆ ತೋರಿಸಿ ಗೂಗಲ್‌ ಪೇ ಮೂಲಕ ₹ 13,500 ಹಣವನ್ನು ಹಂತ ಹಂತವಾಗಿ ಪಡೆದಿದ್ದಾರೆ.
ಬಳಿಕ ಸೆಕ್ಯೂರಿಟಿ ಡೆಪಾಸಿಟ್, ಫಿಕ್ಸ್ ಡೆಪಾಸಿಟ್, ರಿಫಂಡ್ ಸೆಕ್ಯುರಿಟಿ ಡೆಪಾಸಿಟ್ ಹೆಸರಿನಲ್ಲಿ ₹ 65,000 ಹಣ ಪಡೆದಿದ್ದಾರೆ. ಬಳಿಕ ಅನುಷ್‌ಗೆ ವಂಚನೆಗೆ ಸಿಲುಕಿರುವುದು ಅರಿವಿಗೆ ಬಂದಿದೆ. ಉಡುಪಿಯ ಸೆನ್ ಠಾಣೆಯಲ್ಲಿ ಐ.ಟಿ ಕಾಯ್ದೆಯಡಿ ಪ್ರಕರಣ ದಾಖಲಾಗಿದೆ.
ಆತ್ಮಹತ್ಯೆ
ಉಡುಪಿ: ಕುಡಿತದ ಚಟ, ಕೆಲಸ ವಿಲ್ಲದೆ ಮಾನಸಿಕವಾಗಿ ಮನನೊಂದ ಅಶೋಕ್ ನಾಯ್ಕ್ ಎಂಬುವರು ಕೊರಂಗ್ರಪಾಡಿ ಗ್ರಾಮದ ಮಾರ್ಪಳ್ಳಿ ಮನೆಯಲ್ಲಿ ನೇಣುಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ.
