ಬಂಡವಾಳ ಗಳಿಕೆ ತೆರಿಗೆ ಏ. 1 ರಿಂದ

ಏಪ್ರಿಲ್‌ 1 ರ ನಂತರ ಖರೀದಿಸಿದ ಒಂದು ವರ್ಷದ ಬಳಿಕ ಮಾರಾಟ ಮಾಡುವ ಷೇರುಗಳಿಂದ ಬರುವ ಲಾಭವು ₹ 1 ಲಕ್ಷಕ್ಕಿಂತಲೂ ಹೆಚ್ಚಿಗೆ ಇದ್ದರೆ ಅದಕ್ಕೆ ಶೇ 10 ರಷ್ಟು ತೆರಿಗೆ ಪಾವತಿಸಬೇಕಾಗಲಿದೆ.

2018ರ ಏಪ್ರಿಲ್‌ 1ರಿಂದ ಅಥವಾ ಆ ಬಳಿಕ ಷೇರು ವರ್ಗಾವಣೆ ನಡೆಸಿದರೆ ಅದಕ್ಕೆ ಹೊಸ ತೆರಿಗೆ ಅನ್ವಯವಾಗುತ್ತದೆ. 2018ರ ಫೆಬ್ರುವರಿ 1 ರಿಂದ 2018ರ ಮಾರ್ಚ್‌ 31ರೊಳಗೆ ಷೇರು ವರ್ಗಾವಣೆ ನಡೆಸಿದರೆ ವಿನಾಯ್ತಿ ಇದೆ.

ಬಂಡವಾಳ ಗಳಿಕೆ ತೆರಿಗೆ ಜಾರಿಗೊಳಿಸಿರುವುದರಿಂದ ಸೂಚ್ಯಂಕ ಕುಸಿಯುತ್ತಿದೆ ಎನ್ನುವುದನ್ನು ಸರ್ಕಾರ ಅಲ್ಲಗಳೆದಿದೆ. ‘ಜಾಗತಿಕ ಮಾರುಕಟ್ಟೆ
ಯಲ್ಲಿ ಮಂದಗತಿಯ ವಹಿವಾಟು ನಡೆಯುತ್ತಿದೆ. ಈ ಕಾರಣದಿಂದಾಗಿಯೇ ದೇಶದ ಷೇರುಪೇಟೆಯಲ್ಲಿ ಮಾರಾಟದ ಒತ್ತಡ ಸೃಷ್ಟಿಯಾಗಿದೆ. ದೀರ್ಘಾವಧಿಯ ಬಂಡವಾಳ ಗಳಿಕೆ ತೆರಿಗೆಯನ್ನು ಮತ್ತೆ ಜಾರಿಗೊಳಿಸಿರುವುದರಿಂದ ಷೇರುಪೇಟೆ ಮೇಲೆ ಯಾವುದೇ ನಕಾರಾತ್ಮಕ ಪರಿಣಾಮ ಬೀರಿಲ್ಲ’ ಎಂದು ಹಣಕಾಸು ಕಾರ್ಯದರ್ಶಿ ಹಸ್ಮುಖ್‌ ಆಧಿಯಾ ಹೇಳಿದ್ದಾರೆ.