’ವಿಶೇಷ ಸಾಧನೆ ಮಾಡಿರುವುದು ಸಂತಸ ತಂದಿದೆ. ಪರೀಕ್ಷೆ ರದ್ದಾದ ಬಳಿಕ ಆದ ಗೊಂದಲಗಳಿಂದ ವಿಚಲಿತಳಾಗಿದ್ದೆ. ಫಲಿತಾಂಶ ಬರುವವರೆಗೆ ಅಂಕದ ಕುರಿತು ಖಚಿತತೆ ಇರಲಿಲ್ಲ. ಅಂತಿಮ ಪರೀಕ್ಷೆ ಬರೆದು ಇಷ್ಟು ಅಂಕ ಗಳಿಸಿದ್ದರೆ ಇನ್ನಷ್ಟು ಖುಷಿಯಾಗುತ್ತಿತ್ತು. ಮುಂದೆ ವೈದ್ಯಕೀಯ ಅಥವಾ ಫಾರ್ಮಸಿ ಕ್ಷೇತ್ರದಲ್ಲಿ ಶಿಕ್ಷಣ ಮುಂದುವರಿಸುವ ಆಸೆ ಇದೆ. ನನ್ನ ಸಾಧನೆ ಹಿಂದೆ ತಂದೆ, ತಾಯಿ, ಕುಟುಂಬದ ಸದಸ್ಯರು ಹಾಗೂ ಕಾಲೇಜಿನ ಉಪನ್ಯಾಸಕರು ನೀಡಿದ ಸಹಕಾರ, ಬೆಂಬಲ ಬಹಳಷ್ಟು ಇದೆ ಎಂದು ವಿದ್ಯಾರ್ಥಿನಿ ಪ್ರಸನ್ನಾ ಆರ್. ಪೈ ತಿಳಿಸಿದಳು.