ಹಿಂದುತ್ವಕ್ಕೆ ನಾಯಕರು ಬೇಕು: ಮುತಾಲಿಕ್

ಬುಧವಾರ ಇಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ‘ನನಗೆ ಮುಸ್ಲಿಂ, ಕ್ರಿಶ್ಚಿಯನ್ ಸಂಘಟನೆಗಳಿಂದ ಬೆದರಿಕೆಯಿಲ್ಲ. ಆದರೆ, ರಾಜ್ಯ ಬಿಜೆಪಿ ಮತ್ತು ಬಿಜೆಪಿ ಸರ್ಕಾರವೇ ನನಗೆ ತೊಂದರೆ ಕೊಡುತ್ತಿದೆ. ಹಿಂದುತ್ವದ ಹೆಸರಿನಲ್ಲಿ ರಾಜ್ಯ ಬಿಜೆಪಿ ನಾಯಕರು ಹಿಂದುತ್ವ ಕಾರ್ಯಕರ್ತರನ್ನು ಬಲಿ ತೆಗೆದುಕೊಳ್ಳುತ್ತಿದ್ದಾರೆ. ಅಂತಹ ನಾಯಕರನ್ನು ಮುಂದಿನ ದಿನಗಳಲ್ಲಿ ಚುನಾವಣೆಯಲ್ಲಿ ಕೆಳಗಿಳಿಸಲು ಹಿಂದುತ್ವ ಕಾರ್ಯಕರ್ತರಿಗೆ ಗೊತ್ತಿದೆ’ ಎಂದರು.

‘ಹಿಂದುತ್ವ ಕಾರ್ಯಕರ್ತ ಪರೇಶ್ ಮೇಸ್ತ ಸಾವು ಅದು ಸಹಜ ಸಾವಲ್ಲ ಅದೊಂದು ಕೊಲೆ. ‌ಇಸ್ಲಾಮಿಕ್ ಗೂಂಡಾಗಳ ಕೃತ್ಯವಾಗಿದೆ. ಕಾಂಗ್ರೆಸ್ ಸರ್ಕಾರವೇ ಈ ಕೊಲೆಗೆ ಮುಖ್ಯ ಕಾರಣ. ಕೇಂದ್ರ ಸರ್ಕಾರವು ಮತ್ತೆ ಸಿಬಿಐ ತನಿಖೆ ಮಾಡಬೇಕು. ಪರೇಶ್ ಮೇಸ್ತ ಕೊಲೆಗೆ ಕಾರಣರಾದವರನ್ನು ಗಲ್ಲಿಗೇರಿಸುವ ತನಕ ಶ್ರೀರಾಮ‌ಸೇನೆ ಹೋರಾಡಲಿದೆ’ ಎಂದು ಹೇಳಿದರು. ಹಿಂದುತ್ವ ಸಂಘಟನೆಯ ಮುಖಂಡ ರತ್ನಾಕರ ಅಮೀನ್‌ ಇದ್ದರು.