ವಿಷಾನಿಲ: ಇಬ್ಬರು ಕಾರ್ಮಿಕರ ಸಾವು

ಕುಕ್ಕುವಾಡ ಗ್ರಾಮದ ಜಿ. ನಾಗರಾಜ್ (34), ಎಂ.ಕೆ. ನಾಗರಾಜ್ (26) ಮೃತ ಕಾರ್ಮಿಕರು. ತೀವ್ರ ಅಸ್ವಸ್ಥನಾದ ದಾವಣಗೆರೆಯ ಕಾರ್ಮಿಕ ರುದ್ರಪ್ಪ ಅವರಿಗೆ ನಗರದ ಎಸ್‌.ಎಸ್‌. ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಲಾಗುತ್ತಿದೆ.

ಕಾರ್ಖಾನೆಯ ನಾಲ್ವರು ಸಿವಿಲ್ ಕಾರ್ಮಿಕರು ಶುಕ್ರವಾರ ಸಂಜೆ ತ್ಯಾಜ್ಯ ಹೊರ ಹೋಗುವ ತೊಟ್ಟಿ ಸ್ವಚ್ಛತೆ ಮತ್ತು ಯಂತ್ರದ ದುರಸ್ತಿ ಕೆಲಸ ಮಾಡುತ್ತಿದ್ದರು. ಈ ವೇಳೆ ವಿಷಾನಿಲ ಸೋರಿಕೆಯಾಗಿದ್ದು, ಅದನ್ನು ಸೇವಿಸಿದ ಇಬ್ಬರು ಕಾರ್ಮಿಕರು ಮೃತ ಪಟ್ಟಿದ್ದಾರೆ. ಇವರ ರಕ್ಷಿಸಲು ಮುಂದಾದ ರುದ್ರಪ್ಪ ಕೂಡ ತೀವ್ರ ಅಸ್ವಸ್ಥರಾಗಿದ್ದಾರೆ. ಮತ್ತೊಬ್ಬ ಕಾರ್ಮಿಕನಿಗೆ ಯಾವುದೇ ಅನಾಹುತ ಆಗಿಲ್ಲ. ಅವರು ಆರೋಗ್ಯವಾಗಿದ್ದಾರೆ ಎಂದು ಹದಡಿ ಪೊಲೀಸರು ತಿಳಿಸಿದ್ದಾರೆ.

ಮೃತರ ಪೋಷಕರು ಬಾರದ ಕಾರಣ ಇನ್ನೂ ಪ್ರಕರಣ ದಾಖಲಿಸಿಲ್ಲ ಎಂದು ಪೊಲೀಸರು ಮಾಹಿತಿ ನೀಡಿದ್ದಾರೆ. ಇದು ಶಾಸಕ ಶಾಮನೂರ ಶಿವಶಂಕರಪ್ಪ ಕುಟುಂಬದ ಒಡೆತನದ ಕಾರ್ಖಾನೆಯಾಗಿದೆ.