ದೇವಳಕ್ಕೆ ಲಾಕ್ಡೌನ್ನಿಂದ ನಿಂತುಹೋದ 330ಸೇವೆಗಳಿಗೆ ಒಟ್ಟು ₹1,17,16,650 ನಷ್ಟವುಂಟಾಗಿದೆ. ತಿರುಗಾಟ ಪ್ರಾರಂಭದ ದಿನದಿಂದ ಮೇ ಅಂತ್ಯದವರೆಗಿನ ಮೇಳಗಳ ಎಲ್ಲ ಕಲಾವಿದರು ಮತ್ತು ಇತರ ಸಿಬ್ಬಂದಿಗಳಿಗೆ ಈ ಹಿಂದೆ ನಿಗದಿಪಡಿಸಿರುವ ಸಂಪೂರ್ಣ ಗೌರವಧನವನ್ನು ದೇವಳದಿಂದಲೇ ಪಾವತಿಸಲಾಗುತ್ತದೆ. 2019ರ ನವೆಂಬರ್ 18ರಂದು ಶ್ರೀಕ್ಷೇತ್ರದಲ್ಲಿ ಸೇವೆ ಆಟ ಆರಂಭಗೊಂಡು ಮಾರ್ಚ್ 20ರವರೆಗೆ ಐದು ಮೇಳಗಳು 610 ಸೇವೆ ಆಟಗಳನ್ನು ಪೂರೈಸಿವೆ. ಲಾಕ್ಡೌನ್ ಘೋಷಣೆಯಾದ ಬಳಿಕ ಐದೂ ಮೇಳಗಳ 66ದಿನಗಳ 330ಸೇವೆ ಆಟಗಳು ರದ್ದುಗೊಂಡಿವೆ. ಬಾಕಿ ಉಳಿದ ಸೇವೆಗಳನ್ನು ಮುಂದಿನ ತಿರುಗಾಟದಲ್ಲಿ ಸೇವಾಕರ್ತರಿಗೆ ಹೊಂದಿಸಿ ಕೊಡಲಾಗುವುದು’ ಎಂದು ದೇವಳದ ಪ್ರಕಟಣೆ ತಿಳಿಸಿದೆ.